குஜராத்தில் ராகுல் காந்தி பிரசாரம் செய்யப் போகிறாராம்.. அறிவித்தது காங்கிரஸ்

அகமதாபாத்: குஜராத் சட்டசபைத் தேர்தலில் காங்கிரஸ் சார்பில் 40 ஸ்டார் பேச்சாளர்கள் பிரசாரத்திற்கு வரப் போகிறார்கள். அவர்களில் பிரதமர் மன்மோகன் சிங்கும், ராகுல் காந்தியும், சோனியா காந்தியும் முக்கியமானவர்கள்.

குஜராத் பிரசாரத்திற்கு ராகுல் காந்தி வருவாரா, மாட்டாரா என்பது பெரும் விவாத விஷயமாகி விட்டது. மோடியை எதிர்த்து எப்படி ராகுல் காந்தி பிரசாரம் செய்வார், என்ன சொல்லி பிரசாரம் செய்வார் என்பதுதான் பெரும் எதிர்பார்ப்பாக இருந்து வந்தது.

இந்தநிலையில், குஜராத் பிரசாரத்திற்கு ராகுல் காந்தி வருவதை காங்கிரஸ் கட்சி அதிகாரப்பூர்வமாக உறுதி செய்துள்ளது. டிசம்பர் 13ம் தேதி நடைபெறவுள்ள முதல் கட்ட வாக்குப் பதிவுக்கான தேர்தல் பிரசாரத்தில் ராகுல் காந்தி உள்ளிட்ட 40 ஸ்டார் பிரசாரகர்கள் காங்கிரஸ் சார்பில் பேசப் போகிறார்களாம்.

இந்த பேச்சாளர்கள் பட்டியலை காங்கிரஸ் கட்சி வெளியிட்டுள்ளது. அதில் பிரதமர் மன்மோகன் சிங், காங்கிரஸ் தலைவர் சோனியா காந்தி, மத்திய நிதித்துறை இணை அமைச்சர் நமோ நாராயணன் மீனா, முன்னாள் கேப்டனும் எம்பியுமான அஸாருதீன், சஞ்சய் தத், அகமது படேல், சுஷில் குமார் ஷிண்டே, சல்மான் குர்ஷித், குலாம் நபி ஆசாத், சி.பி.ஜோஷி, ராஜ் பாபர், சச்சின் பைலட், ஜோதிர் ஆதித்யா சிந்தியா ஆகியோரும் பிரசாரம் செய்கின்றனர்.

அதேபோல டெல்லி முதல்வர் ஷீலா தீட்சித், ராஜஸ்தான் முதல்வர் அசோக் கெலாட், மகாராஷ்டிர முதல்வர் பிருத்விராஜ் சவான், ஹரியானா முதல்வர் பூபிந்தர் சிங் ஹூடா ஆகியோரும் பிரசாரம் செய்யவுள்ளனர்.

இவர்கள் போக ஏராளமான உள்ளூர் தலைவர்களும் பிரசாரத்தில் ஈடுபடவுள்ளனர்.

English summary

After all the debate over whether Congress general secretary Rahul Gandhi will step into Gujarat or not ahead of the Assembly elections, the party on Wednesday confirmed him as one of the 40 star campaigners for the first phase of the polls to take place on December 13. The list of star campaigners released by the Congress also includes names of party president Sonia Gandhi, Prime Minister Manmohan Singh and Minister of State for Finance Namo Narayan Meena.