தேர்தல் நேரத்தில் மோடியைப் புகழ்ந்து தள்ளிய ஐஸ்வர்யா ராய்

வதோதரா: பாலிவுட் நடிகை ஐஸ்வர்யா ராய் குஜராத் முதல்வர் நரேந்திர மோடியை புகழ்ந்து தள்ளியுள்ளார்.

குஜராத் முதல்வர் நரேந்திர மோடி பற்றி என்ன குறை கூறலாம் என்று மத்தியில் ஆளும் ஐக்கிய முற்போக்கு கூட்டணி அரசு தீவிரமாக யோசித்துக் கொண்டிருக்கையில் பாலிவுட் நடிகை ஐஸ்வர்யா ராய் மோடி மாதிரி முடியுமா என்று புகழந்து தள்ளியுள்ளார்.

குஜராத்தில் ஐஸ்வர்யா

நகை பிராண்ட் ஒன்றின் விளம்பர நிகழ்ச்சியில் கலந்து கொள்ள பாலிவுட் நடிகை ஐஸ்வர்யா ராய் வதோதரா சென்றார்.

குஜராத்தில் ஆஹா என்ன வளர்ச்சி!

குஜராத் நாளுக்கு நாள் பலமாகிக் கொண்டே போகிறது. இந்த மாநிலத்தில் தான் என்ன ஒரு அதீத வளர்ச்சி என்று மோடியின் நடவடிக்கைகளை வியந்து பாராட்டியுள்ளார்.

தேர்தல் நேரத்தில் மோடியை புகழ்ந்த ஐஸ்

குஜராத்தில் வரும் 13, 17 ஆகிய தேதிகளில் சட்டசபை தேர்தல் நடக்கவிருக்கையில் ஜஸ்வர்யா இப்படி புகழ்ந்துள்ளார். ஐஸ்வர்யாவின் மாமியார் ஜெயா பச்சன் மோடியை சற்றும் பிடிக்காத சமாஜ்வாடி கட்சியைச் சேர்ந்தவர். ஆனால் மாமனார் அமிதாப் பச்சன் குஜராத் சுற்றுலாத்துறை பிராண்ட் அம்பாசிடர் என்பது குறிப்பிடத்தக்கது.

நல்லநேரம் பார்த்து குஜராத் போனார்...

ஐக்கிய முற்போக்கு கூட்டணி அரசு மோடி மீது என்ன குறை கூறலாம் என்று யோசிக்கையில் ஐஸ்வர்யா ராய் இப்படி புகழந்துள்ளார். இதனால் மோடிக்கு கூடுதல் வாக்கு கிடைக்கும் என்று பலர் பேசத் துவங்கிவிட்டனர்.

English summary

At a time when a bitter war of words is on between Congress and BJP, over progress made in poll-bound Gujarat, Bollywood actor Aishwarya Rai joined the debate. The former Miss World Aishwarya praised the progress in Gujarat and said that she felt completely at home in the state.