5090160983, 5090160984 -அம்பானி பிரதர்ஸின் சுவிஸ் வங்கி அக்கவுண்ட் நம்பர்- அர்விந்த் கெஜ்ரிவால்
தொழிலதிபர்களான அனில் அம்பானி மற்றும் முகேஷ் அம்பானி ஆகியோர் சுவிஸ் வங்கிகளில் கறுப்புப் பணத்தை பதுக்கியுள்ளனர் என்று அண்மையில் அர்விந்த் கெஜ்ரிவால் குற்றம்சாட்டியிருந்தார். ஆனால் இதனை அம்பானி சகோதரர்கள் திட்டவட்டமாக மறுத்து அறிக்கை வெளியிட்டிருந்தனர்.
இந்நிலையில் அம்பானி சகோதரர்களுக்கு பதிலடி கொடுக்கும் வகையில் அவர்களது சுவிஸ் வங்கிக் கணக்கு எண்களை பகிரங்கப்படுத்தியிருக்கிறார் அர்விந்த் கெஜ்ரிவால்.
இது தொடர்பாக செய்தியாளர்களிடம் பேசிய அர்விந்த் கெஜ்ரிவால், அம்பானி சகோதரர்களின் சுவிஸ் வங்கிக் கணக்கு பற்றி சில நாட்களுக்கு முன்பு நான் தெரிவித்திருந்தேன். ஆனால் தங்களது மோசடித் தனத்தை அம்பானி சகோதரர்கள் மறுத்தனர்.
"5090160983, 5090160984" இவை இரண்டும்தான் அம்பானி சகோதரர்களின் சுவிஸ் வங்கிக் கணக்கு எண்கள் என்றார் அர்விந்த் கெஜ்ரிவால்.
ஆனால் இதனையும் அனில் அம்பானி தரப்பு மறுத்திருக்கிறது. "ஜெனிவாவில் உள்ள ஹெச்.எஸ்.பி.சி. வங்கியில் அனில் அம்பானிக்கு வங்கிக் கணக்கே கிடையாது என்கிறார் அவரது செய்தித் தொடர்பாளர்.
முகேஷ் அம்பானிக்கும் இப்படி ஒரு வங்கிக் கணக்கே இல்லை என்று ரிலையன்ஸ் நிறுவன செய்தித் தொடர்பாளர் கூறியிருக்கிறார்.
Click it and Unblock the Notifications
Sign in with Google