தேசிய ஐனநாயக கூட்டணியில் சேர்ந்தால் பிரதமர் ஆகலாம்: பவாருக்கு மனோகர் ஜோஷி அட்வைஸ்

புனே: பாஜக தலைமையிலான தேசிய ஐனநாயக கூட்டணியில் சேர்ந்தால் தேசியவாத காங்கிரஸ் தலைவர் சரத் பவார் பிரதமர் ஆகலாம் என்று சிவ சேனா மூத்த தலைவர் மனோகர் ஜோஷி தெரிவித்துள்ளார்.

இது குறித்து அவர் புனேவில் செய்தியாளர்களிடம் கூறுகையில்,

பாஜக தலைமையிலான தேசிய ஜனநாயக கூட்டணியில் உள்ள பிரச்சனைகளைத் தீர்க்க தேசியவாத காங்கிரஸ் தலைவர் சரத்பவார் அந்த கூட்டணியில் சேர வேண்டும். அவ்வாறு தேசிய ஜனநாயக கூட்டணியில் சேர்ந்தால் அவர் பிரதமர் ஆகலாம் என்றார்.

பவார் திடீர் என்று இந்த கூட்டணிக்கு வந்து பிரதமர் வேட்பாளாரக விரும்பினால் பிற கட்சிகள் ஏற்றுக் கொள்ளுமா என்று ஜோஷியிடம் கேட்டதற்கு, பவாரால் எல்லாம் முடியும் என்றார்.

ஜோஷிக்கு சொந்தமான மும்பை கோஹினூர் மில் வளாகத்தில் சிவ சேனா தலைவர் பால் தாக்கரேவின் சமாதி அமைக்கப் போவது பற்றி கேட்டதற்கு, அங்கு ஏற்கனவே 3 கட்டிடங்கள் உள்ளது. அதனால் சமாதி அமைக்க இடமில்லை என்றார்.

English summary

Senior Shiv Sena leader Manohar Joshi invited NCP President Sharad Pawar to join NDA, saying "he would be able to end quarrels within the BJP-led alliance and could also become Prime Minister".