’பண்டிட் ரவிசங்கருக்கு’க்கு பதில்” வாழும் கலை ரவி சங்கர் படத்தை போட்ட அமெரிக்கா வெப்சைட்!

நியூயார்க்: சிதார் இசைக்கலைஞர் பண்டிட் ரவிசங்கர் அமெரிக்காவில் நேற்று காலமானார். ஆனால் அவருக்குப் பதில் ‘வாழும் கலையை கற்றுக்கொடுக்கும் ஸ்ரீ ஸ்ரீ ரவிசங்கரின் படத்தைப் போட்டு தவறுதலாக செய்தி வெளியிட்டுவிட்டது அமெரிக்க வெப்சைட்.

பண்டிட் ரவிசங்கர் அவர் இந்தியாவிலும், அமெரிக்காவிலும் மாறி, மாறி வசித்து வந்தார். உலகம் முழுவதும் இருந்து பல்வேறு விருதுகளையும் ரவிசங்கர் பெற்றுள்ளார். கடந்த ஆண்டு அவரது சுவாசப்பை மற்றும் இதய வால்வில் பாதிப்பு ஏற்பட் டது. இதனால் தொடர்ந்து அவதியுற்று வந்தார்.இந்நிலையில், பாதிப்பு அதிகமானதை தொடர்ந்து, கலிபோர்னியா மாகாணத்தில் உள்ள சான்டியாகோ நகர மருத்துவமனையில் அவருக்கு கடந்த வியாழக்கிழமை அறுவை சிகிச்சை நடந்தது. ஆனால், மூப்பு காரணமாக, இந்த சிகிச்சையை முழுமையாக அவரது உடல் ஏற்று கொள்ளாமல் நேற்று காலமானார்.

இவரது மறைவுச் செய்தி உலகம் முழுவதும் ஊடகங்களில் வெளியானது. ஆனால் அமெரிக்காவின் எம்டிவி இணையதளத்தில் பண்டிட் ரவிசங்கரின் மறைவுச் செய்தியைப் போட்டுவிட்டு அவரது படத்திற்குப் பதிலாக வாழும் கலையை கற்றுக்கொடுக்கும் ஸ்ரீ ஸ்ரீ ரவிசங்கரின் படத்தை போட்டுவிட்டனர். இது மிகப்பெரிய சர்ச்சையை கிளப்பிவிட்டது.

எல்லா ஊரிலும் கத்துக்குட்டிகள் இருப்பாங்களோ?

English summary

MTV makes a mistake. Shows photo of Spiritual guru Sri Sri Ravi Shankar for their news on Sitar Maestro Ravi Shankar's death. I thought MTV was into music? Looks like America also has reporters like INC.