மக்கள் பாஜகவுக்கு அமோக ஆதரவைக் கொடுத்து வருகின்றனர் - மோடி

அகமதாபாத்: மக்கள் பாஜகவுக்கு அமோக ஆதரவைக் கொடுத்து வருகின்றனர். மீண்டும் பாஜகவ வெல்லும் என்று குஜராத் முதல்வர் நரேந்திர மோடி கூறியுள்ளார்.

குஜராத் சட்டசபைத் தேர்தலில் மணிநகர் தொகுதியில் போட்டியிடுகிறார் மோடி. இன்று காலை 2வது கட்ட வாக்குப் பதிவு தொடங்கியது. மோடிக்கு சபர்மதி தொகுதியில் வாக்கு உள்ளது. அங்கு ரானிப் பகுதியில் உள்ள நிஷான் பள்ளியில் அமைக்கப்பட்டிருந்த வாக்குச் சாவடிக்கு வந்து மோடி ஓட்டுப் போட்டார்.

வாக்களித்த பின்னர் செய்தியாளர்களிடம் அவர் பேசுகையில், வளர்ச்சி மற்றும் முன்னேற்றத்தை முன்வைத்தே இந்தத் தேர்தல் நடந்துள்ளது. அதன் அடிப்படையில்தான் நாங்கள் மக்களை சந்தித்தோம். இப்போது மக்கள் அமோக ஆதரவை பாஜகவுக்கு வழங்கி வருகின்றனர். இளையோரின் ஆதரவும் அமோகமாக உள்ளது. அவர்கள்தான் மாநில வளர்ச்சிக்குப் பக்கபலமாக உள்ளனர்.

நிச்சயம் பாஜக மீண்டும் வெல்லும், ஆட்சியை தக்க வைத்துக் கொள்ளும் என்றார் மோடி.

English summary

Speaking to the media after casting his vote, Narendra Modi said the elections were fought on the planks of development and growth. "The youth of this state has shouldered the burden of these elections. The people of Gujarat will ensure the BJP wins again, the crowds and its mood is an indication," he said.