மோடிக்கு பிரமாண்ட வெற்றி கிடைக்கும்... எக்சிட் போல்

அகமதாபாத்: குஜராத் சட்டசபைத் தேர்தலில் முதல்வர் நரேந்திர மோடிக்கு மீண்டும் பிரமாண்ட வெற்றி கிடைக்கும் என்று வாக்குப் பதிவுக்கு பிந்தைய கருத்துக் கணிப்புகள் தெரிவித்துள்ளன.

குஜராத் சட்டசபைத் தேர்தலில் நேற்று 2வது மற்றும் இறுதிக் கட்ட வாக்குப் பதிவு நடந்து முடிந்தது. இதில் சாதனை அளவாக 70 சதவீத வாக்குகள் பதிவாகியுளளன.

இந்த நிலையில் வாக்குப் பதிவுக்குப் பிந்தைய கருத்துக் கணிப்புகளில் மோடிக்கே மீண்டும் வெற்றி வாய்ப்பு என்று தெரிய வ்நதுள்ளது.

பாஜக 3வது முறையாக ஆட்சியைப் பிடிக்கும் என்று இந்தக் கருத்துக் கணிப்புகள் தெரிவித்துள்ளன. அதில் ஒரு கணிப்பில் பாஜகவுக்கு 119 முதல் 129 சீட்கள் வரை கிடைக்கும் என்று தெரிவிக்கப்பட்டுள்ளது. காங்கிரஸ் கட்சிக்கு 49 முதல் 59 சீட் வரை கிடைக்கலாம் என்றும் அதில் தெரிவிக்கப்பட்டுள்ளது.

குஜராத்தில் மொத்தம் 182 இடங்கள் உள்ளன என்பது குறிப்பிடத்தக்கது. குஜராத் தேர்தலில் பதிவான வாக்குகள் 20ம் தேதி எண்ணப்படவுள்ளன. இமாச்சலப் பிரதேச சட்டசபைத் தேர்தலில் பதிவான வாக்குகளும் அன்றே எண்ணப்படுகின்றன.

English summary

As Gujarat witnessed a record 70 percent voter turnout at the end of voting, exit polls are predicting a hat-trick for the ruling BJP. For instance, out of the 182 assembly seats in Gujarat, one exit poll has predicted 119 to 129 seats for BJP while Congress, it claims, is projected to win between 49 and 59 seats.