கூடங்குளம் அணுமின் நிலையத்துக்காக கன்னியாகுமரியில் விமான நிலையம் தேவை: திமுக
சென்னை: கூடங்குளம் அணுமின் நிலையத்துக்கு வந்து செல்லும் ரஷிய விஞ்ஞானிகளின் வசதிக்காக கன்னியாகுமரியில் விமான நிலையம் அமைக்க வேண்டும் என்று திமுக கோரிக்கை விடுத்திருக்கிறது.
லோக்சபாவில் திமுக உறுப்பினர் ஹெலன் டேவிட்சன் நேற்று கேள்வி எழுப்பி பேசுகையில், ஆன்மீக சுற்றுலாத்தலமாக கன்னியாகுமரி திகழ்கிறது. அங்கு விமான நிலையம் அமைக்க மத்திய அரசுக்கு தமிழக அரசு பரிந்துரை செய்தது. இதைத் தொடர்ந்து 800 ஏக்கர் நிலப்பரப்பில் க்ரீன் ஃபீல்டு விமான நிலையம் அமைக்க நிலம் கண்டறியப்பட்டது. ஆனால் கடந்த 3 ஆண்டுகளாக எந்த நடவடிக்கையும் எடுக்கப்படவில்லை. கன்னியாகுமரியில் விமான நிலையம் அமைந்தால் வேலைவாய்ப்பு பெருகும், கூடங்குளம் அணுமின் நிலைய திட்டத்தைப் பார்வையிட வரும் ரஷிய விஞ்ஞானிகள் நிபுணர்கள் வந்து செல்ல வசதி ஏற்படும் என்றார் அவர்.
கூடங்குளம் அணுமின் நிலையத்துக்கு எதிராக ஓராண்டுக்கும் மேலாக போராட்டம் நீடித்து வரும் நிலையில் திமுகவோ ரஷிய விஞ்ஞானிகளுக்காக விமான நிலையம் அமைக்கக் கோரி இருப்பது சர்ச்சையை உருவாக்கியிருக்கிறது.
Click it and Unblock the Notifications
Sign in with Google