இடஒதுக்கீடு மசோதா மீது லோக்சபாவில் இன்று வாக்கெடுப்பு: பாஜக ஊசலாட்டம்!

By Mathi

Updated: Wednesday, December 19, 2012, 11:06 [IST]

Subscribe to Oneindia Tamil

டெல்லி: அரசுப் பணி பதவி உயர்வில் தாழ்த்தப்பட்ட மற்றும் பழங்குடியினருக்கு இடஒதுக்கீடு வழங்க வகை செய்யும் மசோதா மீது இன்று லோக்சபாவில் வாக்கெடுப்பு நடைபெற இருக்கிறது.

இடஒதுக்கீடு மசோதா சில நாட்களுக்கு முன்பு ராஜ்யசபாவில் நிறைவேற்றப்பட்டது. இந்த மசோதாவுக்கு சமாஜ்வாடி கட்சி கடும் எதிர்ப்பு தெரிவித்து வாக்களித்தது. ஆனால் பாஜக உள்ளிட்ட கட்சிகள் ஆதரவுடன் மசோதா நிறைவேறியது.

இந்நிலையில் இம்மசோதா மீதான வாக்கெடுப்பு இன்று லோக்சபாவில் நடைபெற இருக்கிறது. ராஜ்யசபாவில் இந்த மசோதாவை ஆதரித்ததற்காக பாஜகவின் மூத்த தலைவர் முரளி மனோகர் ஜோஷி கடும் எதிர்ப்புத் தெரிவித்திருந்தார். இம்மசோதாவை ஆதரிப்பதன் மூலம் உயர்சாதியினர் வாக்குகளை பாஜக இழக்க நேரிடும் என்று அவர் கூறியிருக்கிறார். இதே கருத்து பாஜக தலைவர்கள் பலரிடத்திலும் இருக்கிறது.

இன்றைய வாக்கெடுப்பின் போது சமாஜ்வாடி கட்சி எதிர்ப்பது உறுதியானது என்றாலும் பாஜக ஊசலாட்ட மனநிலையில் இருப்பதாகக் கூறப்படுகிறது.