இமாச்சலைப் போல குஜராத்திலும் வென்றது காங்கிரசுதான் : ப.சிதம்பரம்

டெல்லி: இமாச்சலப் பிரதேச சட்டசபை தேர்தலில் காங்கிரஸ் வென்றுள்ள நிலையில் குஜராத்தில் கூடுதல் தொகுதிகளைப் பெற்றதால் காங்கிரசுக்கே வெற்றி என்று மத்திய நிதி அமைச்சர் ப.சிதம்பரம் தெரிவித்துள்ளார்.

குஜராத், இமாச்சல் மாநில சட்டசபை தேர்தல் முடிவுகள் கருத்து தெரிவித்த நிதி அமைச்சர் ப.சிதம்பரம், இமாச்சலப் பிரதேசத்தில் மட்டுமல்ல.. குஜராத்திலும் கூட காங்கிரஸ் வெற்றி பெற்றிருக்கிறது. பாஜகவும் மோடியும் கடந்த முறை வென்ற 117 தொகுதிகளுக்கு குறைவான தொகுதிகள் பெற்றிருக்கின்றன. என்றார்.

காங்கிரஸ் செய்தித் தொடர்பாளர் அபிஷேக் சிங்வி கூறுகையில், குஜராத் மோடியின் பாதையில்தான் செல்கிறது.. ஆனால் இது தேசிய அளவிலான முடிவு அல்ல என்றார்.

ப.சிதம்பரத்தின் கருத்துக்கு பதில் தெரிவித்துள்ள பாஜகவின் மூத்த தலைவர் ரவிசங்கர் பிரசாத், மோடிக்கு எதிராக மேற்கொள்ளப்பட்ட பிரச்சாரம் தோல்வியை சந்தித்திருக்கிறது. வென்றிருப்பதாக ப.சிதம்பரம் கருதினால் அவருக்கு வாழ்த்துகள் என்றார்.

English summary

The Congress claims that though Narendra Modi has won the state for a third time, it has succeeded in containing him from a landslide victory. "The Congress is a winner in Gujarat, we have been able to contain BJP and Modi to under 117 seats," said Finance Minister P Chidambaram while votes were still being counted in Gujarat.