பாஜகவில் வலுக்கும் கோஷம்- "மோடிதான் அடுத்த பிரதமர்"- கர்நாடக முதல்வர் ஷெட்டர்

By Mathi

Published: Thursday, December 20, 2012, 15:12 [IST]

Subscribe to Oneindia Tamil

டெல்லி: குஜராத் சட்டசபை தேர்தலில் அபார வெற்றி பெற்றிருக்கும் முதல்வர் நரேந்திர மோடிதான் பாரதிய ஜனதாவின் பிரதமர் வேட்பாளர் என்ற கோஷம் அக்கட்சியில் மீண்டும் வலுவடைந்திருக்கிறது.

மோடியின் வெற்றிக்கு வாழ்த்து தெரிவித்திருக்கும் கர்நாடக முதல்வர் ஜெகதீஷ் ஷெட்டர், குஜராத் மாநில மக்கள் கொடுத்திருக்கும் உறுதியான தீர்ப்பு இது. மக்களால் தொடர்ந்து தேர்ந்தெடுக்கப்பட்டிருக்கிற ஒரே முதல்வர் மோடி. அவரை அடுத்த பிரதமராக இந்தியா பார்க்கப் போகிறது என்று கூறியுள்ளார்.

பாரதிய ஜனதா கட்சியின் செய்தித் தொடர்பாளர் தருண் விஜய் எம்.பி கூறுகையில், முன்னாள் பிரதமர் வாஜ்பாய்க்குப் பிறகு மிக உயர்ந்த தலைவராக உருவெடுத்திருக்கிறார் மோடி. நாட்டின் பிரதமர் பதவிக்கு மிகப் பொருத்தமானவர் மோடிதான் என்று தெரிவித்திருக்கிறார்.

ஆனால் மோடியின் எதிர் முகாமான நிதின் கத்காரியோ மோடிக்கு வாழ்த்துச் சொல்வதில் கூட மிகவும் கவனமாக வார்த்தைகளைப் பயன்படுத்தியிருக்கிறார். "குஜராத் மாநில மக்களுக்கு நன்றி தெரிவிக்கிறோம். முதல்வர் நரேந்திர மோடி தலைமையில் தொடர்ந்தும் குஜராத் மாநிலம் வளர்ச்சியடையும்" என்று கூறியுள்ளார்.

மோடி டெல்லிக்கு வரக்கூடாது என்பதில் எவ்வளவு அக்கறை!

Published On December 20, 2012