வாஜ்பாய் பிறந்த நாளான டிச.25-ல் நரேந்திர மோடி பதவியேற்கிறார்
குஜராத் தேர்தலில் பாரதிய ஜனதா கட்சி பிரம்மாண்ட வெற்றியைப் பெற்றுள்ளது. இதைத் தொடர்ந்து அம் மாநிலத்தின் முதல்வராக 4-வது முறையாக பொறுப்பேற்கிறார்.
கடந்த 2001-ஆம் ஆண்டு அக்டோபர் 7-ந் தேதி முதல் 2002 டிசம்பர் 22-ந் தேதி வரை, 2002 டிசம்பர்23-ந் தேதி முதல் 2007 டிசம்பர் 20-ந் தேதி வரை, 2007டிசம்பர் முதல் இன்று வரை 3 முறை அம்மாநிலத்தின் முதல்வராக பதவி வகித்திருக்கிறார் மோடி.
கடுமையான விமர்சனங்கள், போட்டிகளுக்கு மத்தியில் மோடி பெற்றுள்ள இந்த வெற்றியால் அவரது செல்வாக்கு உயர்ந்திருக்கிறது, வெற்றி பெற்ற மோடி தமது தாயாரை நேரில் சந்தித்து ஆசி பெற்ற பிறகு பாஜக தொண்டர்களையும் சந்தித்தார். பின்னர் அகமதாபாத்தில் உள்ள முன்னாள் முதல்வரும் குஜராத் பரிவர்த்தன் கட்சியின் தலைவருமான கேசுபாய் பட்டேலை நேரில் சந்தித்து வாழ்த்து பெற்றார்.
தமிழக முதல்வராக ஜெயலலிதா பொறுப்பேற்ற போது நேரில் வந்து கலந்து கொண்டவர் மோடி. தற்போது மோடி வெற்றிக்கு வாழ்த்து சொல்லியிருக்கும் ஜெயலலிதா, பதவியேற்பு விழாவில் கலந்து கொள்ளலாம்
ஏற்கெனவே நரேந்திர மோடியின் உண்ணாவிரதத்துக்கு அதிமுக எம்.பிக்களை அனுப்பி ஜெயலலிதா அனுப்பியிருந்தது குறிப்பிடத்தக்கது.
Click it and Unblock the Notifications
Sign in with Google