நாகை: வீட்டில் தனியாக இருந்த 4-ம் வகுப்பு சிறுமி பலாத்காரம்- இருவர் கைது

நாகப்பட்டினம்: டெல்லியைத் தொடர்ந்து தமிழகத்தில் பள்ளி மாணவி பலாத்காரம் செய்யப்பட்ட சம்பவத்தின் அதிர்வலைகள் ஓய்ந்துவிடவில்லை. அதற்குள் நாகப்பட்டினம் மாவட்டம் தலைஞாயிறு அருகே வீட்டில் தனியாக இருந்த 4-ம் வகுப்பு படிக்கும் சிறுமியை பலாத்காரம் செய்யப்பட்ட சம்பவம் அரங்கேறியுள்ளது.

தலைஞாயிறு பகுதியை சேர்ந்த விவசாயின் மகளான திருநாகேஸ்வரி, அப்பகுதி ஊராட்சி ஒன்றிய தொடக்கப் பள்ளியில் 4-ம் வகுப்பு படித்து வந்தார். நேற்று வீட்டில் தனியாக இருந்தபோது இந்த சிறுமியை மனுநீதி கண்டன் என்ற கிராமத்தைச் சேர்ந்த கார்த்தி மற்று சிவனேசன் இருவர் பாலியல் பலாத்காரம் செய்திருக்கின்றனர்.

இந்த சம்பவம் இன்று காலைதான் திருநாகேஸ்வரியின் பெற்றோருக்கு தெரியவந்தது. இதைத் தொடர்ந்து அந்த சிறுமி அரசு மருத்துவமனையில் அனுமதிக்கப்பட்டார். பின்னர் போலீசில் புகார் கொடுக்கப்பட்டதைத் தொடர்ந்து இளைஞர்கள் இருவரையும் கைது செய்து விசாரணை நடத்தி வருகின்றனர்.

English summary

Near Nagapattinam 4th standrad child raped by two youths.