வாஜ்பாயியின் லக்னோ வழியாக டெல்லி வருவாரா மோடி?

Published: Tuesday, December 25, 2012, 14:52 [IST]

Subscribe to Oneindia Tamil

டெல்லி: முன்னாள் பிரதமர் அடல் பிகாரி வாஜ்பாயி 5 முறை போட்டியிட்டு வென்ற லக்னோ எம்.பி. தொகுதியில் குஜராத் முதல்வர் நரேந்திர மோடி வரும் லோக்சபா தேர்தலில் போட்டியிட்டு பிரதமர் பதவிக்கு முன்னேறலாம் என்ற எதிர்பார்ப்பு எழுந்துள்ளது.

முன்னாள் பிரதமர் வாஜ்பாயி தொடர்ந்து 5 முறை எம்.பியாக இருந்த தொகுதி உ.பி. தலைநகர் லக்னோவாகும். இந்தத் தொகுதியில் தற்போது பாஜக சார்பில் லால்ஜி டான்டன் உறுப்பினராக உள்ளார். இவர் வாஜ்பாயியின் சிஷ்யர் ஆவார்.

இந்த நிலையில் இந்தத் தொகுதியில் வரும் லோக்சபா தேர்தலில் நரேந்திர மோடி போட்டியிட வேண்டும் என்று ஆர்.எஸ்.எஸ் மற்றும் பாஜகவைச் சேர்ந்த பலர் விரும்புவதாக பேச்சு அடிபடுகிறது. இதை வெளிப்படுத்தும் வகையி்ல, லக்னோவில் உள்ள மாநில பாஜக தலைமை அலுவலகத்திற்கு வெளியே வாஜ்பாயும், மோடியும் நிற்பது போன்ற புதிய கட் அவுட் வைக்கப்பட்டுள்ளது.

இதுகுறித்து லால்ஜி டாண்டனிடம் கேட்டபோது, அப்படி ஒரு வேளை நடந்தால் அது நன்றாகத்தான் இருக்கும். நான் நிசசயம் மோடி இங்கு போட்டியிடுவதை ஆதரிப்பேன் என்றார்.

Published On December 25, 2012