4வது முறையாக முதல்வராக நாளை நரேந்திர மோடி பதவியேற்பு

Published: Tuesday, December 25, 2012, 10:57 [IST]

Subscribe to Oneindia Tamil

அகமதாபாத்: 4வது முறையாக, குஜராத் முதல்வராக நரேந்திர மோடி நாளை பதவியேற்கவுள்ளார். இதில் தமிழக முதல்வர் ஜெயலலிதா உள்ளிட்ட பலரும் கலந்து கொள்கின்றனர்.

குஜராத் சட்டசபைக்கு சமீபத்தில் நடந்த தேர்தலில் தொடர்ந்து 3வது முறையாக வெற்றி பெற்று ஹாட்ரிக் அடித்தார் நரேந்திர மோடி. மேலும் 4வது முறையாக முதல்வர் பதவியிலும் அவர் அமர்ந்து புதிய சாதனை படைக்கிறார்.

மீண்டும் முதல்வராக நாளை மோடி பதவியேற்கிறார். பதவியேற்பு விழா அனைவரும் காணும் வகையில்,அகமதாபாத் சர்தார் படேல் மைதானத்தில் நடைபெறவுள்ளது. அதில் மோடிக்கும், அவரது அமைச்சர்களுக்கும் ஆளுநர் கமலா பெனிவால் பதவிப் பிரமாணமும், ரகசியக் காப்புப் பிரமாணமும் செய்து வைக்கிறார்.

அத்வானி உள்ளிட்ட பாஜக மூத்த தலைவர்கள் இதில் கலந்து கொள்கின்றனர். முதல்வர் ஜெயலலிதாவும் பதவியேற்பு விழாவுக்குச் செல்கிறார்.

Published On December 25, 2012