வங்கக் கடலில் தாழ்வழுத்த நிலை- சென்னைக்கு இன்று மழை வாய்ப்பு
சென்னை: வங்கக் கடலில் குறைந்த தாழ்வழுத்த நிலை இருப்பதால் சென்னை உள்ளிட்ட கடலோர பகுதிகளில் மழைக்கு வாய்ப்பிருப்பதாக வானிலை ஆய்வு மையம் தெரிவித்திருக்கிறது.
வங்கக் கடலில் குறைந்த காற்றழுத்த தாழ்வுநிலை இலங்கையின் யாழ்ப்பாணம் உள்ளிட்ட மழைகளில் கனமழையைக் கொட்டி வருகிறது. தமிழகத்தில் இதன் தாக்கம் லேசாக இருக்கக் கூடும். கடந்த சில நாட்களாக பகல் நேர வெப்ப நிலை அதிகபட்சமாக 29.1 டிகிரியாகவும் குறைந்தபட்ச வெப்ப நிலை 23. 9 டிகிரியாகவும் இருந்து வருகிறது. இன்று இது 1 டிகிரி செல்சியஸ் வரை உயரக் கூடும்.
இருப்பினும் குளிர்காற்று வீசும். இன்று அல்லது டிசம்பர் 28-30 வரை சென்னைக்கு மழைக்கான வாய்ப்பு இருக்கிறது. தமிழகக் கடலோர பகுதிகளுக்கும் இன்று முதல் மழைக்கான வாய்ப்பு இருக்கிறது என்று வானிலை ஆய்வு மையம் தெரிவித்திருக்கிறது.
மழை அளவைப் பொறுத்தவரையில் கடந்த ஆண்டை ஒபிடுகையில் நடப்பு ஆண்டில் தமிழகத்துக்கு 18% குறைவாக மழை கிடைத்திருக்கிறது. சென்னை நகருக்கு 32% குறைவான மழை கிடைத்திருக்கிறது.
Click it and Unblock the Notifications
Sign in with Google