மதுரை கலெக்டர் அலுவலகத்தில் திடீர் தீ.. கம்ப்யூட்டர்கள், பொருட்கள் நாசம்

Published: Friday, December 28, 2012, 10:10 [IST]

Subscribe to Oneindia Tamil

மதுரை மதுரை கலெக்டர் அலுவலக வளாகத்தில் இன்று அதிகாலையில் திடீரென தீவிபத்து ஏற்பட்டது. இதில் கம்ப்யூட்டர்கள், மர சாமான்கள் என பொருட்கள் சேதமடைந்தன. அதிகாலை நேரம் என்பதால் உயிரிழப்பு ஏதும் இல்லை.

மதுரை கலெக்டர் அலுவலக வளாகத்தின் ஆ பிரிவு அலுவலகத்தில் இன்று அதிகாலையில் திடீரென தீப்பிடித்து எரிய ஆரம்பித்தது. இங்கு வருவாய் அலுவலகம் அமைந்துள்ளது.

தொழிலாளர் வருகைப்பதிவேடு உள்ளிட்ட ஆவணங்கள், கம்ப்யூட்ர்கள், மரச்சாமான்கள் உள்ளிட்டவை தீயில் கருகிப் போய் விட்டன. தகவல் அறிந்ததும் உடனடியாக விரைந்து வந்த தீயணைப்புப் படையினர் கடுமையாகப் போராடி தீயை அணைத்து நிலையை கட்டுக்குள் கொண்டு வந்தனர்.

தீவிபத்துக்கு மின்கசிவு காரணமாக இருக்கலாம் என்று சந்தேகிக்கப்படுகிறது. இருப்பினும் வேறு காரணம் ஏதேனும் உள்ளதா என்பது குறித்தும் போலீஸார் விசாரணை நடத்தி வருகின்றனர்.

Published On December 28, 2012