புதிய காற்றழுத்தத் தாழ்வு நிலை: இன்று மழை பெய்யலாம்!

By Shankar

Updated: Friday, December 28, 2012, 10:01 [IST]

Subscribe to Oneindia Tamil

சென்னை: வங்கக் கடலில் உருவாகியுள்ள புதிய காற்றழுத்தத் தாழ்வு நிலை காரணமாக இன்று தென் தமிழகத்தில் கனமழை பெய்யக்கூடும் என வானிலை ஆய்வு மையம் தெரிவித்துள்ளது.

இலங்கை அருகே வங்கக் கடலில் குறைந்த காற்றழுத்த தாழ்வு நிலை கடந்த வாரத்தில் உருவானது. ஆனால் தமிழ்நாட்டில் இதுவரை எந்த தாக்கத்தையும் அது ஏற்படுத்தாமல் இருந்தது.

ஆனால் இப்போது அந்த காற்றழுத்த தாழ்வு நிலை தமிழகத்தை நோக்கி நகரத் தொடங்கியுள்ளது.

இதுகுறித்து சென்னை வானிலை ஆராய்ச்சி மையம் வெளியிட்டுள்ள அறிக்கையில், "வங்கக்கடலில் உருவான குறைந்த காற்றழுத்ததாழ்வு நிலைகாரணமாக தமிழ்நாட்டில் கடலோர தென் மாவட்டங்களில் இன்று அநேக இடங்களில் மழை அல்லது இடியுடன் கூடியமழைபெய்யும்.

சில இடங்களில் கன மழைபெய்யும். சென்னையில் சில இடங்களில் மழை பெய்யும். கடலோர மாவட்டங்களில் தரைக்காற்று வழக்கத்தை விட பலமாக வீசும்," என்று தெரிவித்துள்ளது.