தமிழக அரசின் புதிய தலைமைச் செயலாளராக ஷீலா பாலகிருஷ்ணன் நியமனம்

சென்னை: தமிழக அரசின் புதிய தலைமைச் செயலாளராக ஷீலா பாலகிருஷ்ணன் நியமிக்கப்பட்டுள்ளார்.

தமிழக அரசின் தலைமைச் செயலாளராக தற்போது தேவேந்திரநாத் சாரங்கி இருந்து வருகிறார். இவர் பணி ஓய்வு பெறுவதைத் தொடர்ந்து புதிய தலைமைச் செயலாளராக ஷீலா பாலகிருஷ்ணன் நியமிக்கப்படுவதாக அறிவிப்பு வெளியாகியுள்ளது.

ஷீலா பாலகிருஷ்ணன் கேரளாவைச் சேர்ந்தவர். 1976ம் ஆண்டு ஐஏஎஸ் அதிகாரியாக தனது பணியைத் தொடங்கினார். கடைசியாக இவர் நகராட்சி மற்றும் குடிநீர் வழங்கல் துறை செயலாளராக இருந்து வந்தார். கூடுதல் தலைமைச் செயலாளர் அந்தஸ்திலும் இருந்தார்.

இந் நிலையில் அவரே தலைமைச் செயலாளராக நியமிக்கப்பட்டுள்ளார்.

கடந்த ஜூன் மாதம் தேவேந்திரநாத் சாரங்கி தனது மகளின் திருமணத்துக்காக விடுப்பில் சென்றபோது அவரது பொறுப்பை ஷீலா தான் கூடுதலாக கவனித்தார் என்பதும் குறிப்பிடத்தக்கது.

English summary

Senior IAS officer Sheela Balakrishnan has been appointed as the new chief secretary of TN Govt.