ஆஸ்திரேலியாவிடம் இலங்கை வரலாறு காணாத படுதோல்வி

மெல்போர்ன்: ஆஸ்திரேலியாவுடனான 2வது டெஸ்ட் போட்டியில் இலங்கை அணி வரலாறு காணாத கேவலமான தோல்வியைச் சந்தித்துள்ளது. 3வது நாளின் பாதியிலேயே போட்டியை முடித்து விட்டது ஆஸ்திரேலியா.

மெல்போர்ன் நகரில் நடந்த இப்போட்டியில், ஆஸ்திரேலிய அணி ஒரு இன்னிங்ஸ், 201 ரன்கள் வித்தியாசத்தில் இலங்கையை சுருட்டி விட்டது. மேலும் இந்த வெற்றியின் மூலம் டெஸ்ட் தொடரையும் அது கைப்பற்றியது.

இப்போட்டியில் ஆஸ்திரேலியாவை விட 304 ரன்கள் பின்தங்கிய நிலையில் 2வது இன்னிங்ஸை ஆடி வந்த இலங்கை 24.2 ஓவர்களில் 7 விக்கெட்களைப் பறி கொடுத்து 103 ரன்களில் பரிதவித்தது.

இந்த நிலையில், குமார் சங்கக்கரா காயம் காரணமாக விளையாட முடியாமல் வெளியேறினார். அதேபோல பிரசன்ன ஜெயவர்த்தனே, சனகா வெலகதரா ஆகியோர் காயம் காரணமாக பேட் செய்ய வர முடியவில்லை. இதனால் ஆஸ்திரேலியா வெற்றி பெற்றதாக அறிவிக்கப்பட்டது.

English summary

Australia battered and humiliated Sri Lanka by an innings and 201 runs to win the series in the second Melbourne Test midway through the third day today. Sri Lanka, trailing by 304 runs on the first innings, surrendered for just 103 for seven off 24.2 overs with Kumar Sangakkara retiring hurt and Prasanna Jayawardene and Chanaka Welegedara unable to bat because of injuries.