நைட் வெச்ச விளம்பரம் எங்கே?...: அதிர்ச்சியில் மு.க. அழகிரி ஆதரவாளர்கள்

மதுரை: மதுரையில் மத்திய அமைச்சர் மு.க.அழகிரியின் பிறந்தநாளையொட்டி வைக்கப்பட்ட விளம்பரங்கள் இரவோடு இரவாக அகற்றப்பட்டதால் பரபரப்பு ஏற்பட்டிருக்கிறது.

மு.க. அழகிரியின் 63-வது பிறந்த நாள் வரும் ஜனவரி 30-ந் தேதி கொண்டாடப்படுகிறது. இதையொட்டி தற்போது மதுரையை அமர்க்களப்படுத்தி வருகின்றனர் அழகிரியின் ஆதரவாளர்கள். மதுரை நகர் மற்றும் புறநகர் பகுதிகளில் பிறந்தநாளையொட்டி சுவர் விளம்பரம் மற்றும் பிளக்ஸ் போர்டு விளம்பரங்கள் வைக்கப்பட்டிருந்தன.

இந்நிலையில் இன்று காலையில் மு.க. அழகிரியின் பிந்தநாள் விளம்பரங்கள் அனைத்தும் அகற்றப்பட்டிருந்தன. இது அழகிரி மற்றும் திமுகவினரை அதிர்ச்சியடைய வைத்தது. நேற்று இரவோடு இரவாக அனைத்து விளம்பரங்களையும் மதுரை மாநகராட்சி நிர்வாகம் அகற்றியிருக்கிறது.

இதைத் தொடர்ந்து மதுரை போலீசிலும் மாநகராட்சி ஆணையரிடமும் விளம்பரங்களை அகற்றியோர் மீது நடவடிக்கை எடுக்கக் கோரி புகார் கொடுக்க திமுகவினர் திட்டமிட்டிருக்கின்றனர்.

English summary

Madurai Corporation removed the hoardings and placards of Union Minister M.K. Azhagiri's birthday function at Madurai City.