பலாத்கார மாணவியின் படிப்புக் கட்டணத்தைத் திருப்பித் தரும் டேராடூன் கல்லூரி

டேராடூன்: டெல்லியில் பாலியல் பலாத்காரம் செய்யப்பட்டு, 2 வாரம் உயிருக்குப் போராடி பரிதாபமாக மரணமடைந்த பிசியோதெரபி மாணவியின் படிப்புக் கட்டணம் முழுவதையும் திருப்பித் தருவதாக அவர் படித்த கல்லூரி நிர்வாகம் தெரிவித்துள்ளது.

தங்களது நிறுவனத்தில் பயின்ற அந்த மாணவி சிறந்த மாணவியாக விளங்கியதாகவும் அது புகழாரம் சூட்டியுள்ளது. தங்களது நிறுவனத்தில் அவர் படித்தபோது செலுத்திய படிப்புக் கட்டணத்தை அப்படியே அவரது குடும்பத்திடம் திரும்பக் கொடுக்க முடிவு செய்திருப்பதாக அந்த நிறுவனம் கூறியுள்ளது.

டேராடூனில்தான் அந்த மாணவி பிசியோதெரப்பி படித்து வந்தார். கடந்த 2008ம் ஆண்டு நவம்பர் மாதம் அதில் சேர்ந்தார். பிபிடி படித்து வந்தார். படிப்புக்கட்டணமாக ரூ. 1.8 லட்சம் வரை அவர் செலுத்தியுள்ளார்.

இதுகுறித்து அந்த கல்வி நிறுவனத்தின் இயக்குநர் கூறுகையில், நானே டெல்லி சென்று மாணவியின் குடும்ப உறுப்பினர்களைச் சந்தித்து இந்தப் பணத்தைக் கொடுப்பேன். அவர் மிகவும் சிறந்த மாணவி. நான்காம் ஆண்டுத் தேர்வுக்காக காத்திருந்தார். ஜனவரியில் அந்த முடிவும் வரவுள்ளது. ஆனால் அவர்தான் இல்லை என்றார் அவர் வருத்தத்துடன்.

English summary

The institute in Dehradun where the victim of the Delhi gangrape and murder studied physiotherapy has said it will return to her family the course fee she had paid. Institute records show that she had deposited Rs 1.8 lakh since being admitted to the Bachelor of Physiotherapy course in November 2008.