பிரதமர் பதவிக்கான வேட்பாளரா?: ப.சிதம்பரம் விளக்கம்

By Mathi

Updated: Tuesday, January 1, 2013, 11:00 [IST]

Subscribe to Oneindia Tamil

டெல்லி: தாம் பிரதமர் பதவிக்குப் பொருத்தமானவர் என்று கூறப்படுவது குறித்து நிதி அமைச்சர் ப. சிதம்பரம் கருத்து தெரிவித்துள்ளார்.

சென்னையில் நடைபெற்ற நிகழ்ச்சி ஒன்றில் பேசிய நடிகர் கமஹல்ஹாசன் பிரதமர் பதவிக்கான வேட்பாளராக சிதம்பரை முன்னிறுத்திப் பேசினார். இதை அதே நிகழ்ச்சியில் பங்கேற்றுப் பேசிய திமுக தலைவர் கருணாநிதியும் ஆதரித்திருந்தார். ஆனால் அந்த நிகழ்ச்சியிலேயே இதை சிதம்பரம் நிராகரித்துப் பேசியிருந்தார்.

இந்நிலையில் நேற்று டெல்லியில் செய்தியாளர்களிடம் பேசிய ப. சிதம்பரம், என்னுடைய எல்லை எது என்பது எனக்குத் தெரியும். அந்த எல்லைகளுக்குள் என்னை நான் தகவமைத்துக் கொண்டு வாழ்ந்து வருகிறேன். என்னைப் பொறுத்தவரையில் நான் பிரதமர் பதவிக்கான வேட்பாளரா என்ற கேள்வியை ரொம்பவும் சீரியசாக எடுத்துக் கொள்ளவில்லை என்றார்.

நாட்டின் அடுத்த பிரதமர் பதவிக்கான வேட்பாளராக ப.சிதம்பரம்தான் தகுதியானவர் என்று ஊடகங்கள் கூறி வருவது குறிப்பிடத்தக்கது.