அமெரிக்கா: 1000 அடி பள்ளத்தாக்கில் பாய்ந்த பேருந்து! 9 பேர் பலி! 26 பேர் படுகாயம்!

ஒரேகான்: அமெரிக்காவின் ஒரேகான் நீல மலைப் பகுதியில் சுற்றுலா பயணிகள் பேருந்து 1000 அடி பள்ளத்தாக்கில் கவிழ்ந்ததில் 9 பேர் பலியாகினர்.

ஒரேகான் நீல மலைப்பகுதியில் 40 பேரை ஏற்றிக்கொண்டு சுற்றுலா பேருந்து சென்றுகொண்டிருந்தது. அப்போது எதிர்பாராதவிதமாக தடையை உடைத்துக்கொண்டு அந்த பேருந்து 1000 அடி பள்ளத்தாக்கில் பாய்ந்து மரங்களிடையே சிக்கியது. இதில் 9 பேர் சம்பவ இடத்திலேயே இறந்தனர். பேருந்து ஓட்டுநர் உள்பட 26 பேர் படுகாயமடைந்தனர்.

விபத்து பற்றிய தகவல் அறிந்ததும் சம்பவ இடத்திற்கு விரைந்து சென்ற மீட்புப்படையினர் போராடிக் கொண்டிருந்தவர்களை ரோப் உதவியுடன் மேலே தூக்கி காப்பாற்றினர். பயணிகள் அனைவரும் தென்கொரியா சுற்றுலாப்பயணிகள் என்று தெரியவந்துள்ளது. கடுமையாக வீசி வரும் குளிர் காற்றே இவ்விபத்துக்கு காரணமாக இருக்கலாம் என்றும் கூறப்படுகிறது.

English summary

A tour bus careened through a guardrail along an icy Oregon highway and several hundred feet down a steep embankment Sunday, killing nine people and injuring about 20 others, authorities said.