திமுகவுக்கு முழுக்கு போட்டுவிட்டு அதிமுகவுக்கு செல்லும் பாக்யராஜ்?

சென்னை: இயக்குனர் கே. பாக்யராஜ் திமுகவில் இருந்து விலகி விரைவில் அதிமுகவில் இணையப் போவதாக தகவல் வெளியாகியுள்ளது.

கே.பாக்யராஜ் தமிழ்த் திரையுலகில் நடிகர், வசன எழுத்தாளர், திரைக்கதை அமைப்பாளர், இயக்குனர், சிறப்பு வேடமேற்கும் நடிகர், தயாரிப்பாளர் எனப் பன்முகம் கொண்ட கலைஞர். 16 வயதினிலே, கிழக்கே போகும் ரயில், சிகப்பு ரோஜாக்கள் ஆகிய படங்களில் இயக்குனர் பாரதிராஜாவிடம் உதவி இயக்குனராக பணியாற்றினார்.

ஆரம்பம் முதல் தன்னை எம்.ஜி.ஆரின் ரசிகனாக வெளிப்படுத்திய பாக்யராஜ் ருத்ரா திரைப்படம் வெளியான சமயத்தில் அதிமுகவில் சேர்ந்தார்.
பிறகு அக்கட்சியில் இருந்து வெளியேறி சொந்தக் கட்சி ஒன்றைத் துவங்கினார். நாளடைவில் அது கலைந்து போக தற்போது திமுகவில் உள்ளார்.

கடந்த சட்டசபை தேர்தலில் திமுக வேட்பாளர்களுக்கு ஆதரவாக தமிழகம் முழுவதும் பிரச்சாரம் செய்தார். ஆனால் திமுகவில் அவருக்கு என உரிய முக்கியத்துவம் கொடுக்கப்படவில்லை என்று கூறப்படுகின்றது. இதனால் அவர் மிகவும் மனம் வேதனை அடைந்ததாராம். இந்த சமயத்தில் அவரை சிலர் அதிமுக பக்கம் இழுப்பதாக செய்திகள் கசிந்து வருகின்றது.

இந்நிலையில் வரும் 7ம் தேதி சென்னைக்கு வருமாறு தனது ரசிகர்களுக்கு எல்லாம் அழைப்பு விடுத்துள்ளார். இந்த கூட்டத்தில் ரசிகர்களின் கருத்துக்களை கேட்கும் பாக்யராஜ் விரைவில் அரசியலில் ஒரு மாற்றத்தை காண விரும்புகின்றார்.

English summary

Reports are there that actor, director K. Bhagyaraj is in a mood to ditch DMK for ADMK.