இலங்கையின் போர்க்குற்றம்- புதிய வீடியோ காட்சிகளை வெளியிடுகிறது சானல்-4 டிவி!

டெல்லி: இறுதிப் போரில் தமிழர்களுக்கு எதிராக இலங்கை நிகழ்த்திய போர்க் குற்றங்கள் தொடர்பாக புதிய ஆதாரத் தொகுப்பை இங்கிலாந்தின் சானல்-4 தொலைக்காட்சி வெளியிட இருக்கிறது.

சானல்-4 டி.வியில் வெளியான இலங்கையின் போர்க்குற்றங்கள் உலகை உலுக்கியது. இது ஐக்கிய நாடுகள் சபையில் இலங்கைக்கு எதிரான தீர்மானத்துக்கு ஆதரவையும் தேடித் தந்தது.

இந்நிலையில் சானல்-4 டி.வி மேலும் 2 வீடியோ தொகுப்புகளை வெளியிட இருக்கிறது. இலங்கைப் போரின்போது வெளிநாட்டுக்குத் தப்பிய 8 விடுதலைப் புலி தலைவர்கள் தங்கள் வசம் இருந்த இலங்கையின் போர்க்குற்ற ஆதாரங்களை சானல்-4 தொலைக்காட்சியிடம் ஒப்படைத்து இருக்கின்றனர்.

வருகிற மார்ச் மாதம் ஐ.நா சபை மனித உரிமை ஆணையக் கூட்டம் நடைபெற இருக்கிறது. அதற்கு முன்பாக இந்த காட்சிகள் ஒளிபரப்பப்பட இருக்கிறது, இந்த வீடியோவில் பல முக்கிய புலிகளின் தலைவர்கள் பற்றிய தகவல்களும் இடம்பெற்றுள்ளதாம்.

இதனால் இலங்கைக்கு கூடுதல் நெருக்கடி ஏற்படக் கூடும் என்று கூறப்படுகிறது.

English summary

England's Channel 4 TV will expose damning new evidence of atrocities committed in the war in Sri Lanka.