கனிமொழி எம்பி பிறந்த நாள் - கருணாநிதி, ஸ்டாலின் வாழ்த்து

சென்னை: கவிஞரும் எம்பியுமான கனிமொழி இன்று தனது 45வது பிறந்த நாளைக் கொண்டாடினார். அவருக்கு திமுக தலைவர் கருணாநிதி, பொருளாளர் முக ஸ்டாலின் உள்பட திமுகவினர் வாழ்த்துக் கூறினர்.

கருணாநிதியின் மகள் கவிஞர் கனிமொழிக்கு இன்று பிறந்த நாள். அவரது சிஐடி காலனி இல்லத்தில் காலையிலிருந்தே ஏராளமான தொண்டர்களும் திமுக நிர்வாகிகளும் திரண்டனர்.

காலை 8.45 மணிக்கு கருணாநிதி, சி.ஐ.டி. காலனி வீட்டுக்கு சென்று கனிமொழிக்கு பிறந்த நாள் வாழ்த்து கூறி கேக் ஊட்டினார். அப்போது கனிமொழி காலில் விழுந்து ஆசி பெற்றார்.

காலை 10 மணியளவில் பொருளாளர் மு.க.ஸ்டாலின் கனிமொழிக்கு நேரில் வாழ்த்து கூறினார்.

கனிமொழியின் அண்ணனும் மத்திய அமைச்சருமான முக அழகிரியும் கனிமொழிக்கு வாழ்த்து தெரிவித்தார்.

மேலும் மத்திய அமைச்சர் பழனிமாணிக்கம், முன்னாள் மத்திய அமைச்சர்கள் அ ராசா, ரகுபதி, தயாநிதி மாறன், எம்.பி.க்கள் டி.கே.எஸ். இளங்கோவன், ஜெயதுரை, ஹெலன் டேவிட்சன், முன்னாள் அமைச்சர்கள் சற்குண பாண்டியன், கே.பி.பி. சாமி, தங்கம் தென்னரசு, கிறிஸ்தவ பேராயர் எஸ்றா சற்குணம் உள்பட ஏராளமானோர் கனிமொழிக்கு வாழ்த்து கூறினர்.

விடுதலைச் சிறுத்தைகள் உள்ளிட்ட கூட்டணி கட்சியினரும் கனிமொழியை வாழ்த்தினர்.

English summary

Kanimozhi MP celebrated her 45th birthday at her Chennai residence today.