மூன்றாவது மனைவி மூலம் குழந்தை பெற்றுக்கொள்வேன்... பந்தயம் கட்டிய ப்ளேபாய் தாத்தா

By Mayura Akilan

Updated: Saturday, January 5, 2013, 11:22 [IST]

Subscribe to Oneindia Tamil

நியூயார்க்: 86 வயதில் மூன்றாவதாக திருமணம் செய்து கொண்டுள்ள ப்ளேபாய் பத்திரிக்கை நிறுவனர் ஹக் ஹெப்னர் விரைவில் குழந்தை பெற்றுக்கொண்டு தனது தகுதியை நிரூபிப்பேன் என்று பந்தயம் கட்டி வருகிறராம்.

அமெரிக்காவின் மிகவும் புகழ்பெற்ற ப்ளேபாய் பத்திரிகையின் நிறுவனர் ஹக் ஹெப்னர். இவருக்கு 86 வயதாகிறது. எனினும் அதைப்பற்றிக் கவலைப்படாமல் 26 வயதான கிறிஸ்டல் ஹாரிஸ் என்ற அழகியை கடந்த 31ம் தேதி திருமணம் செய்து கொண்டார்.

உலகத்திற்கு பெரும் வியப்பை ஏற்படுத்திய இந்த திருமணம் மூலம் தனது சக்தி அதிகரித்திருப்பதாக ஹக் ஹெப்னர் கூறியுள்ளார். மூன்றாவதாகத் திருமணம் செய்து கொண்ட கிறிஸ்டல் ஹாரிஸ் மூலம் விரைவில் ஒரு குழந்தையை பெற்றுக் கொண்டு தனது குடும்பத்தை விரிவாக்க விரும்புவதாகவும் அவர் கூறி வருகிறார்.

தனக்கு குழந்தை பெற்றுக் கொள்ளும் தகுதி இருக்கிறது என்பதையும் எந்த வேலையைச் செய்து முடிப்பதற்கும் வயது ஒரு தடையில்லை என்பதை இதன்மூலம் உலகுக்கு நிரூபிப்பேன் என்று ஹக் ஹெப்னர் தனது குடும்பத்தினர் மற்றும் நண்பர்களிடம் பந்தயம் கட்டி வருகிறார்.வரும் காதலர் தினத்தில் என் மனைவிக்கு ஒரு வாரிசை பரிசளிப்பேன் என்றும் அவர் நம்பிக்கையுடன் கூறி வருகிறார்.

ஆனால், பாவம் ஹக் ஹெப்னர் மூலம் குழந்தை பிறக்கும் என்ற நம்பிக்கை அவரது இளம் மனைவி கிறிஸ்டல் ஹாரிஸுக்குத்தான் இல்லை.