ஸ்டாலின் திமுக தலைவராவதில் தங்கை எனக்கு மகிழ்ச்சி தான்: கனிமொழி

By Siva

Published: Sunday, January 6, 2013, 10:22 [IST]

Subscribe to Oneindia Tamil

சென்னை: முக ஸ்டாலின் திமுகவின் அடுத்த தலைவராவதில் அவரது சகோதரி என்ற முறையில் தனக்கு மகிழ்ச்சி என்று கனிமொழி எம்.பி. தெரிவித்துள்ளார்.

திமுக தலைவர் கருணாநிதிக்கு பிறகு அந்த பதவி அவருடைய மகன்களில் மத்திய அமைச்சர் மு.க. அழகிரிக்கா அல்லது கட்சியின் பொருளாளர் மு.க. ஸ்டாலினுக்கா என்று பலரும் யோசித்துக் கொண்டிருந்தனர். இந்நிலையில் அண்மையில் நிகழ்ச்சி ஒன்றில் பேசிய கருணாநிதி தனக்கு பிறகு திமுக தலைவர் பதவி ஸ்டாலினுக்கு தான் என்று தெரிவித்தார்.

இந்நிலையில் சென்னை சிஐடி காலனியில் உள்ள தனது வீட்டில் நேற்று பிறந்தநாள் கொண்டாடிய கனிமொழி எம்.பி. தொலைக்காட்சி ஒன்றுக்கு பேட்டி அளித்தார்.

அப்போது அவர் கூறுகையில்,

திமுகவின் அடுத்த தலைவர் ஸ்டாலின் தான் என்று எனது அப்பா கருணாநிதி அறிவித்துள்ளார். ஸ்டாலினின் சகோதரி என்ற வகையில் இந்த அறிவிப்பு எனக்கு மகிழ்ச்சியை அளிக்கிறது. தற்போது நாங்கள் அனைவரும் ஒற்றுமையாக உள்ளோம். நாடாளுமன்றத் தேர்தலில் திமுக அமோக வெற்றி பெறும் என்றார்.

Published On January 6, 2013