லோக்சபா தேர்தலில் தேமுதிகவுடன் கூட்டணி: கருணாநிதி மறைமுகமாக தகவல்

சென்னை: எதிர்வரும் லோக்சபா தேர்தலில் தேமுதிகவுடன் கூட்டணி இருக்கும் என்பதை திமுக தலைவர் கருணாநிதி மறைமுகமாக வெளிப்படுத்தியிருக்கிறார்.

சென்னையில் இன்று நடைபெற்ற திமுக மாவட்டச் செயலர்கள் கூட்டத்துக்குப் பிறகு செய்தியாளர்கள் எழுப்பிய கேள்வியும் கருணாநிதி அளித்த பதிலும்:

கேள்வி: அதிமுக பொதுக் குழுவில் செல்லாத காசும், செல்லரித்த காசும் ஒன்று சேரப் போவதாக ஓ. பன்னீர்செல்வம் பேசியுள்ளாரே?

கருணாநிதி: நான் "கள்ளக் காசுகளை" பற்றியெல்லாம் பேச விரும்பவில்லை

கேள்வி: நாடாளுமன்றத் தேர்தலில் திமுகவும் தேமுதிகவும் இணைய வாய்ப்பு இருக்கிறதோ?

கருணாநிதி: "தே.மு.தி.க"விலே "தி.மு.க." என்பதும் இருக்கிறதே?

கேள்வி: முன்கூட்டியே நாடாளுமன்றத்துக்கு தேர்தல் வரும் என்று நினைக்கிறீர்களா?

கருணாநிதி: நான் அப்படி யூகிக்கவில்லை.

English summary

DMK leader Karunanidhi today hinted his party will alliance with DMDK upcoming Parliament elections.