2வது முறையாக அமெரிக்க அதிபராக 2 தடவை பதவியேற்கும் ஒபாமா

வாஷிங்டன்: இரண்டாவது முறையாக அமெரிக்க அதிபராகத் தேர்வு செய்யப்பட்ட பாரக் ஒபாமா வரும் 20 மற்றும் 21 ஆகிய தேதிகளில் இரண்டு முறை பதவியேற்கிறார்.

அமெரிக்க அதிபராக உள்ள பாரக் ஒபாமாவின் பதவிக்காலம் முடிவடையும் நிலையில் நடந்த தேர்தலில் அவர் மீண்டும் அதிபராகத் தேர்வானார். துணை அதிபராக ஜோ பிடன் தேர்வு செய்யப்பட்டுள்ளார். ஒபாமாவை எதிர்த்து போட்டியிட்ட மிட் ராம்னி தோல்வியைத் தழுவினார்.

இந்நிலையில் ஒபாமாவும், பிடனும் வரும் 20ம் தேதி அதிகாரப்பூர்வமாக பதவியேற்றுக் கொள்கின்றனர். ஜனவரி 20ம் தேதியன்றுதான் அமெரிக்க அதிபர்கள் பாரம்பரியமாக பதவியேற்றுக் கொள்வார்கள் என்பதால் அன்றைய தினம் ஒபாமா பதவியேற்கிறார்.

ஆனால் 20ம் தேதி ஞாயிற்றுக்கிழமை என்பதால் அன்று நீதிமன்றங்கள் உள்ளிட்ட அரசு அமைப்புகள் மூடப்பட்டிருக்கும். எனவே மறுநாளான 21ம் தேதி அவர்கள் இருவரும் இன்னொரு முறை பதவியேற்றுக் கொள்கின்றனர்.

ஒபாமா முதன்முதலாக அதிபராக பதவியேற்றபோது அவருக்கு பதவிப்பிரமானம் செய்து வைத்த அந்நாட்டு உச்ச நீதிமன்ற தலைமை நீதிபதி ஜான் ராபர்ட்ஸ் தான் தற்போதும் அவருக்கு பதவிப்பிரமானம் செய்து வைக்கிறார். பிடனுக்கு துணை நீதிபதி சோனியா சோடோமேயர் பதவிப்பிரமானம் செய்து வைக்கிறார்.

பதவிப்பிரமானம் செய்து வைக்கும் நான்காவது பெண் சோனியா என்பது குறிப்பிடத்தக்கது.

English summary

US president Barack Obama will take oath officially on sunday, january 20 and again on january 21 in a ceremonial swearing-in at the Capitol.