கருணாநிதி சொன்னதே இறுதியானது, அதில் மாற்றமில்லை - டி.ஆர்.பாலு

Published: Monday, January 7, 2013, 11:03 [IST]

Subscribe to Oneindia Tamil

டெல்லி: திமுகவின் அடுத்த தலைவர் யார் என்பது குறித்து கட்சித் தலைவர் கருணாநிதி கூறியுள்ளதே இறுதியானது, அதில் எந்த மாற்றமும் கிடையாது என்று கட்சியின் நாடாளுமன்றக் குழுத் தலைவர் டி.ஆர்.பாலு கூறியுள்ளார்.

இதுகுறித்து செய்தியாளர்களிடம் அவர் பேசுகையில், திமுகவின் அடுத்த தலைவராக மு.க. ஸ்டாலின் வர வேண்டும் என்ற கருணாநிதியின் முடிவை கட்சியின் கொள்கை, கோட்பாடாக மட்டுமன்றி வாழ்க்கைப் பாதையாக திமுகவினர் கருதுகின்றனர்.

கட்சியின் மூத்த தலைவரான பேராசிரியர் க. அன்பழகன் உள்ளிட்ட மூத்த தலைவர்களும் ஸ்டாலின் அடுத்த தலைவராக வர வேண்டும் என்பதை வலியுறுத்தி வந்துள்ளனர். அதையே இப்போது கட்சித் தலைவரும் கூறியுள்ளார்.

ஸ்டாலினை கட்சியின் எதிர்காலமாக அறிவிக்கும் அதிகாரம் கட்சித் தலைவர், பொதுச் செயலர் மற்றும் முக்கிய முடிவை எடுக்கும் உயர்நிலை அமைப்புக்குத்தான் உண்டு என்றார் அவர்.

Published On January 7, 2013