ஜன. 25-ல் வானகரம் ஸ்ரீவாரு மண்டபத்தில் தேமுதிக செயற்குழு -பொதுக்குழு

சென்னை: தேமுதிகவின் தலைமை செயற்குழுக் கூட்டம் மற்றும் பொதுக்குழுக் கூட்டம் வரும் 25-ந் தேதி நடைபெறுகிறது.

தேமுதிக தலைமைக் கழகம் இன்று வெளியிட்டுள்ள அறிக்கையில், 8-வது தலைமை செயற்குழு கூட்டமும், பொதுக்குழு கூட்டமும் வரும் 25-ந் தேதி சென்னை வானகரத்தில் உள்ள ஸ்ரீவாரு வெங்கடாசலபதி பேலஸ் திருமண மண்டபத்தில் நடைபெற உள்ளது. இதில் விஜயகாந்த் கலந்து கொண்டு சிறப்புரையாற்றுவார்.

இக்கூட்டத்தில் கர்நாடகம், மகாராஷ்டிரா, டெல்லி, புதுச்சேரி, அந்தமான், கேரளா ஆகிய மாநில செயலாளர்களும் வரும்படி கேட்டுக் கொள்ளப்படுகின்றனர் என்று கூறப்பட்டுள்ளது.

தேமுதிகவின் பரம வைரியாகிப் போய்விட்ட அதிமுகவும் இதே வானகரம் ஸ்ரீவாரு மண்டபத்தில்தான் செயற்குழு, பொதுக்குழுவை கூட்டியிருந்தது குறிப்பிடத்தக்கது.

English summary

DMDK too Hold its General Council Meeting on Jan 25.