மினிஸ்கர்ட்… டைட் ஜீன்ஸ்… பெண்களின் உடைக்கு ஆதரவு: பெங்களூரில் ஆண்கள் போராட்டம்

பெங்களூர்: பெண்கள் அரை குறையாக ஆடை அணிந்து நடமாடுவதுதான் பாலியல் வன்முறைகளுக்கு காரணம் என்று நாடெங்கிலும் கருத்து கிளம்பியுள்ள நிலையில், பெண்கள் மினிஸ்கர்ட், டைட் ஜீன்ஸ் அணிவது தவறில்லை என்று கிளம்பியுள்ளனர் பெங்களூரைச் சேர்ந்த ஆண்கள்.

பெண்களின் நாகரீக உடைக்கு ஆதரவாக ஆண்களும் மினிஸ்கர்ட், ஷாட்ஸ் அணிந்து பெங்களூர் கப்பன் பூங்காவில் ஆர்ப்பாட்டத்தில் ஈடுபட்டனர்.

‘பெண்கள் அணியும் ஆடைகளால் ஆண்களின் பாலியல் உணர்வு தூண்டப்படுவதில்லை என்பதை உலகிற்கு உணர்த்தவே இந்த ஆர்பட்டத்தில் ஈடுபட்டதாக தலைமையேற்ற சமர்பிடா தெரிவித்தார். சுமார் 500 பேர் இதில் பங்கேற்பதாக உறுதி அளித்தனர். எனினும், 25 பேர்தான் வந்தனர். பெண்களைப் போன்று ஆடை அணிந்து 25 பேர் பங்கேற்றதே பெரிய காரியம்தான்' என கூறினார்.

பெண்களின் உடைக்கு ஆதரவாக நடைபெறும் போராட்டம் தொடர்பாக ‘ஃபேஸ் புக்'கில் செய்தி வெளியானது. இதனைப் பார்த்து சுமார் 25 பேர் பெண்களுக்கான ஆடைகளை அணிந்து வந்து இந்த ஆர்ப்பாட்டத்தில் பங்கேற்றனர்.

தொலைக்காட்சி தொகுப்பாளர்கள்

இதனிடையே ‘நாட்டில் பலாத்காரங்கள் நடப்பதற்கு தொலைக்காட்சி தொகுப்பாளர்களும் ஒரு காரணம்' என்று மாநிலங்களவை பாரதீயஜனதா எம்.பி. ஆயனூர் மஞ்சுநாத், கடந்த இருதினங்களுக்கு முன் கருத்து கூறினார். இதை கண்டித்து, பெங்களூரில் தொலைக்காட்சி தொகுப்பாளர்கள் வெள்ளிக்கிழமை போராட்டத்தில் ஈடுபட்டனர் என்பது குறிப்பிடத்தக்கது.

English summary

Dressed in colourful skirts, a group of 25 men from different walks of life gathered at the famous Cubbon Park here, pledging support to women and their rights.