நிதின் கத்காரிக்கு வருமான வரித்துறை நோட்டீஸை அனுப்பியதா?

டெல்லி: பாரதிய ஜனதா கட்சித் தலைவர் நிதின் கத்காரிக்கு வருமான வரித்துறை நோட்டீஸ் அனுப்பியதாக கூறப்படுகிறது. ஆனால் பாரதிய ஜனதா கட்சியோ இதனை மறுத்துள்ளது.

ஊழல் முறைகேட்டுப் புகாரில் சிக்கியவர் நிதின் கத்காரி. அவருக்குச் சொந்தமான பூர்தி குழுமங்களில் கணக்குகளில் முறைகேடு இருப்பதாகவும் இது தொடர்பாக நேரில் ஆஜராகி விளக்கம் அளிக்குமாறும் அண்மையில் வருமான வரித்துறை நோட்டீஸ் அனுப்பியிருந்தது. ஆனால் தமக்கு கட்சிப் பணிகள் இருப்பதாக கத்காரி கூறியிருந்தார்.

இந்த நிலையில் 21-ந் தேதியன்று வருமான வரித்துறை அலுவலகத்துக்கு ஆஜராகுமாறு மீண்டும் நோட்டீஸ் அனுப்பி வைக்கப்பட்டிருப்பதாகக் கூறப்படுகிறது. ஆனால் கத்காரி மீது அவதூறு பரப்புவதற்காகவே இந்த வதந்தி கிளப்பிவிடப்பட்டிருக்கிறது என்று பாஜகவினர் கூறுகின்றனர். கத்காரி வரி ஏய்ப்பு செய்தவர் என்று பொய் முத்திரை குத்த சிலர் சதி செய்வதாகவும் பாஜக கூறுகிறது.

அதுசரி கத்தரிக்காய் முத்தினா சந்தைக்கு வரத்தானே செய்யனும்?

English summary

The Bharatiya Janata Party on Sunday denied reports of Income Tax summons to party president Nitin Gadkari and alleged that it was a plot to malign his image. The report was also denied by Gadkari who said he hasn't received any notice from the I-T department.