டெல்லியில் கட்சி அலுவலகம் கட்ட திமுகவுக்கு இடம் ஒதுக்கீடு!

டெல்லி: டெல்லியில் திமுக கட்சி அலுவலகம் கட்ட மத்திய நகர்ப்புற வளர்ச்சி அமைச்சகம் இடத்தை ஒதுக்கீடு செய்துள்ளதாகக் கூறப்படுகிறது.

டெல்லியில் தேசிய அரசியல் கட்சிகள் தங்களது அலுவலகங்களை அமைத்துள்ளன. மேலும் கட்சிகளின் எம்.பி.க்களின் எண்ணிக்கையில் அடிப்படையில் பிற கட்சிகள் அலுவலகங்கள் அமைப்பதற்கு மத்திய நகர்ப்புற வளர்ச்சி அமைச்சகம் இடத்தை ஒதுக்கீடு செய்கிறது.

கடந்த ஆண்டு டெல்லியில் சாகேத் பகுதியில் அதிமுகவுக்கு இடம் ஒதுக்கீடு செய்யப்பட்டது. இந்நிலையில் திமுகவும் கட்சி அலுவலகத்துக்கு இடம் கோரியிருந்தது.

இதைத் தொடர்ந்து டெல்லி மிண்டோ சாலை அருகே திமுகவுக்கு இடம் ஒதுக்கப்பட்டுள்ளது. இந்த இடத்தில் திமுக கட்சி அலுவலகமும் அக்கட்சியின் தொழிலாளர் முன்னேற்ற சங்கப் பேரவை அலுவலகமும் அமைய இருக்கிறது.

மக்களவையில் 18 எம்.பி.க்கள், மாநிலங்களவையில் 7 எம்.பி.க்கள் என்ற எண்ணிக்கையின் அடிப்படையில் திமுகவுக்கு 25 சென்ட் இடம் ஒதுக்கப்பட்டுள்ளது.

இந்த இடத்துக்கு அருகே பகுஜன் சமாஜ் கட்சிக்கும் இடம் ஒதுக்கப்பட இருக்கிறது.

English summary

UPA's southern ally Dravida Munnetra Kazhagam (DMK) has got land for its central party office in the Capital.