சென்னையில் பாமக நிறுவனர் டாக்டர் ராமதாஸ் பேனர்கள் கிழிப்பு: போலீசில் புகார்

Published: Sunday, January 13, 2013, 17:10 [IST]

Subscribe to Oneindia Tamil

சென்னை: சென்னையில் பாமக நிறுவனர் டாக்டர் ராமதாஸ் பேனர்கள் கிழிக்கப்பட்ட சம்பவம் பெரும் பரபரப்பை ஏற்படுத்தியுள்ளது.

சென்னை, அண்ணாநகர் கிழக்கு குஜ்ஜி தெருவில் நேற்று மாலை பாமக சார்பில் சமத்துவ பொங்கல் விழா அக்கட்சியின் நிறுவனர் டாக்டர் ராமதாஸ் தலைமையில் நடைபெற்றது.

இதையொட்டி ராமதாஸை வரவேற்று ஆவடி ரோட்டில் இருந்து அண்ணாநகர் வரை கட்சி நிர்வாகிகள் டிஜிட்டல் பேனர்கள் வைத்திருந்தனர். இதில் சில பேனர்களை மர்ம நபர்கள் கிழித்து எறிந்துள்ளனர். இது பற்றி தகவல் அறிந்த பாமகவினர் மாவட்ட செயலாளர் வி.ஜெ.பாண்டியன் தலைமையில் அங்கு குவிந்தனர்.

இதையடுத்து பேனர் கிழிப்பு சம்பவம் பற்றி பாண்டியன் டி.பி. சத்திரம் போலீசில் புகார் கொடுத்தார். அவரது புகாரின்பேரில் வழக்குப் பதிவு செய்த போலீசார் இது குறித்து விசாரணை நடத்தி வருகின்றனர்.

Published On January 13, 2013