தலை துண்டிக்கப்பட்ட வீரர் ஹேம்ராஜ் குடும்பத்துக்கு ரூ46 லட்சம் நிதி உதவி

டெல்லி: எல்லைக் கட்டுப்பாட்டுக் கோடு பகுதியில் பாகிஸ்தான் ராணுவத்தினரால் கோரமாக கொல்லப்பட்டு தலை துண்டித்து எடுத்துச் செல்லப்பட்ட ஹேம்ராஜின் குடும்பத்தினருக்கு மத்திய அரசு சார்பில் ரூ46 லட்சம் நிதி உதவி வழங்கப்படும் என்று அறிவிக்கப்பட்டுள்ளது.

இந்திய ராணுவ வீரர் ஹேம்ராஜ் குடும்பத்தினரை பாதுகாப்பு இணை அமைச்சர் ஜிதேந்திரா சிங் நேற்று நேரில் சந்தித்து ஆறுதல் கூறினார். அப்போது, மத்திய அரசு சார்பில் ஹேம்ராஜ் குடும்பத்தாருக்கு ரூ. 46 லட்சம் வழங்கப்படும் என்றார்.

மேலும் பெட்ரோலிய துறை அமைச்சகத்திடம் ஆலோசித்து அவரது குடும்பத்தை சேர்ந்த ஒருவருக்கு பெட்ரோல் பங்க் ஒதுக்கீடும் வழங்கப்படும் என்றும் அவர் தெரிவித்திருக்கிறார்.

தொடர்ந்தும் ஹேம்ராஜ் குடும்பத்தினரை பல்வேறு அரசியல் கட்சித் தலைவர்கள் சந்தித்து வருகின்றனர்.

English summary

Union Minister Jitendra Singh met the family of Hemraj and announced that the government will provide Rs 46 lakh compensation to the slain jawan's kin.