பெட்ரோல் விலை 35 காசுகள் திடீர் உயர்வு! நள்ளிரவு முதல் அமல்!

டெல்லி: பெட்ரோல் விலை லிட்டருக்கு 35 காசுகள் திடீரென உயர்த்தப்பட்டு நள்ளிரவு முதல் அமலுக்கு வந்துள்ளது.

டீசல் மற்றும் சமையல் சிலிண்டரின் விலை உயர்த்தப்படலாம் எனக் கூறப்பட்டு வந்தது. இந்த நிலையில் முன் அறிவிப்பின்றி திடீரென பெட்ரோல் விலை உயர்த்தப்பட்டுள்ளது பொதுமக்களிடத்தில் அதிர்ச்சியை ஏற்படுத்தியிருக்கிறது.

இந்த விலை உயர்வினால் சென்னையில் லிட்டர் 70.58 ரூபாயாக விற்ற ஒரு லிட்டர் பெட்ரோல், 70.93 ரூபாயாக விற்கப்படும்.

இதேபோல் டீசல் மற்றும் சமையல் சிலிண்டரின் விலையும் விரைவில் திடீரென உயர்த்தப்படக் கூடும் என்று டெல்லி வட்டாரங்கள் தெரிவிக்கின்றன.

English summary

Petrol price was hiked by about 35 paise per litre in line with firming raw material cost.