சென்னை விமான நிலையத்திற்கு எம்.ஜி.ஆர் பெயர்… ஜெ. கோரிக்கை

By Mayura Akilan

Updated: Saturday, January 19, 2013, 18:27 [IST]

Subscribe to Oneindia Tamil

சென்னையில் திறக்கப்படவுள்ள, இரண்டாவது உள்நாட்டு விமான நிலையத்துக்கு எம்.ஜி.ஆர்., பெயர் வைக்க வேண்டும் என முதல்வர் ஜெயலலிதா கோரிக்கை விடுத்துள்ளார்.

இது குறித்து, விமான போக்குவரத்துத் துறை அமைச்சர் அஜீத் சிங்கிற்கு அவர் எழுதியுள்ள கடித விபரம்:

சென்னையில் அதிகரித்து வரும் உள்நாடு மற்றும் வெளிநாட்டு பயணிகளின் வசதிக்காக, இரண்டாவது உள்நாட்டு விமான நிலையத்தை கட்டியுள்ளது வரவேற்கத்தக்கது. தற்போதுள்ள, சென்னை உள்நாட்டு விமான நிலையத்துக்கு காமராஜர் பெயரும், சர்வதேச விமான நிலையத்துக்கு அண்ணா பெயரும் வைக்கப்பட்டுள்ளது.

இவர்களின் வரிசையில், முதல்வராக இருந்தவரும், தமிழக மக்களின் மனதில் என்றும் நிலைத்திருப்பவருமான எம்.ஜி.ஆர்., பெயரை, விரிவாக்கப்பட்ட உள்நாட்டு விமான நிலையத்திற்கு வைப்பது பொருத்தமாக இருக்கும். எனவே, விரிவாக்கப்பட்ட விமான நிலையத்தை திறக்கும் முன், எம்.ஜி.ஆர்., பெயர் வைப்பதற்கான, அறிவிப்பை வெளியிடுமாறு கேட்டுக் கொள்கிறேன். இவ்வாறு தான் எழுதிய கடிதத்தில் ஜெயலலிதா கேட்டுக்கொண்டுள்ளார்.