பாஜக தலைவர் பதவி: கத்காரிக்கு ஆர்.எஸ்.எஸ். ஆதரவு! சுஷ்மாவுக்கு அத்வானி பரிந்துரை!!
பாஜகவின் தற்போதைய தலைவராக நிதின் கத்காரி கடந்த 2009-ம் ஆண்டு அக்கட்சியின் தாய் அமைப்பான ஆர்.எஸ்..எஸ். ஆதரவுடன் தேர்ந்தெடுக்கப்பட்டார். ஆனால் அவர் மீது கட்சி மூத்த தலைவர்கள் பலருக்கும் அதிருப்தி இருப்பதுடன் ஊழல் புகார்களும் குவிந்துள்ளன. இருப்பினும் கத்காரியையே மீண்டும் தலைவராக்க வேண்டும் என்பதில் ஆர்.எஸ்.எஸ். முனைப்பு காட்டுகிறது.
இதற்கு பாஜகவின் மூத்த தலைவர்கள் கடுமையாக எதிர்ப்புத் தெரிவித்துள்ளனர். லோக்சபா தேர்தலில் பாஜகவின் பிரதமர் வேட்பாளராக நரேந்திர மோடி முன்னிறுத்தப்பட இருக்கும் நிலையில் அவருடன் இணைந்து பணியாற்றக் கூடிய ஒருவர் தலைவராக இருப்பதே கட்சிக்கு நல்லது என்ற கருத்து முன்வைக்கப்படுகிறது.
நிதின் கத்காரிக்கும் மோடிக்கும் இடையே நல்லுறவு இல்லாத நிலையில் வேறு ஒரு தலைவராக இருப்பதே நல்லது என்பது ஒருதரப்பினர் வாதம். இதற்காக மோடியை பகிரங்கமாக பிரதமர் பதவிக்கு பொருத்தாமனவர் என்று பேசிய சுஷ்மா ஸ்வராஜை தலைவராக்கலாம் என்றும் அவர்கள் கூறுகின்றனர்.
பாஜகவின் மூத்த தலைவரான எல்.கே.அத்வானியும் இதை ஆதரித்து சுஷ்மா ஸ்வராஜை பரிந்துரைத்திருப்பதாகக் கூறப்படுகிறது.இதனால் அந்தக் கட்சியில் புதிய குழப்பம் தலையெடுத்திருக்கிறது.
Click it and Unblock the Notifications
Sign in with Google