ராஜீ்வுடன் ஒப்பிடுகையில் ராகுல் காந்தி பேச்சு மகா சுமார்.. பாஜக

Published: Monday, January 21, 2013, 8:31 [IST]

Subscribe to Oneindia Tamil

டெல்லி: 80களில் ராஜீவ் காந்தி பேசிய பேச்சுக்களுடன் ஒப்பிடுகையில், இப்போது ராகுல் காந்தி காங்கிரஸ் கூட்டத்தில் பேசிய பேச்சு மிகவும் சுமார், சாதாரணமானது என்று பாஜக வர்ணித்துள்ளது.

இதுகுறித்து பாஜக செய்தித் தொடர்பாளர் நிர்மலா சீதாராமன் செய்தியாளர்களிடம் கூறுகையில், 80களில் ராஜீவ் காந்தி பேசியபோது இளைஞர்களுக்கு உத்வேகம் அளிக்கும் வகையில், மிகவும் உருக்கமானமுறையில் பேசினார். அவருடன் ஒப்பிடுகையில் ராகுல் காந்தியின் ஜெய்ப்பூர் பேச்சு மிகவும் சுமாராகவே இருந்தது.

ஒரு ஆளுங்கட்சித் தலைவர் போல பேசவில்லை ராகுல் காந்தி. மாறாக எதிர்க்கட்சித் தலைவர் போல பேசுகிறார். ராஜீவ் காந்தி முதல் முறையாக காங்கிரஸ் தலைமைப் பொறுப்புக்கு வந்தபோது பேசிய பேச்சு இன்று வரை எனது நினைவில் உள்ளது. அதனுடன் ஒப்பிடுகையில் ராகுலின் பேச்சு மிகவும் சுமார்தான் என்றார் அவர்.

Published On January 21, 2013