ஜெனீபர் ஹட்சன் பாட.. மிஷலுடன் சேர்ந்து அதிபர் ஒபாமா ஆட...! அடா அடா அடா!!

வாஷிங்டன்: அமெரிக்க அதிபர் பதவியை 2வது முறையாக கோலாகலமாக தொடங்கியுள்ளார் அதிபர் பராக் ஒபாமா. 2வது முறையாக அதிபராகியுள்ள ஒபாமா, தொடக்க விழா நடன நிகழ்ச்சியில் தனது மனைவி மிஷலுடன் இணைந்து நடனமாடி அசத்தினார். அதிபர் தம்பதிக்காக பிரபல பாடகி ஜெனீபர் அனிஸ்டன் பாட்டுப் பாடினார்.

வாஷிங்டனில் நடந்த இனாகுரல் பால் நிகழ்ச்சியின்போதுதான் இந்த கலகலப்பு. 31 வயதான ஜெனீபர் அனிஸ்டன், லெட் அஸ் ஸ்டே டுகெதர் என்ற பாடலைப் பாடி ஒபாமா தம்பதியை மகிழ்வித்தார். இந்தப் பாடலை ரசித்தபடி ஒபாமா, தனது மனைவி மிஷலுடன் இணைந்து ஆடினார்.

அத்தலான கருப்பு நிற கவுன் அணிந்திருந்த ஜெனீபர் ஹட்சன், உற்சாகமாகப் பாடினார். மறுபக்கம் மிஷல் கண்ணைப் பறிக்கும் சிவப்பு நிற உடையி்ல தேவதை போல ஜொலித்தார்.

அதிபரும், அவரது மனைவியும் ஆடியதை பாடியபடி ரசித்தார் ஜெனீபர். மேலும் அதிபர் தனது மனைவிக்கு முத்தமிட்டபோதும் அதை ரசித்தபடியும், புன்னகைத்தபடியும் பாடினார் ஜெனீபர்.

English summary

They are currently the toast of the entire nation. And Jennifer Hudson was given the top honour of serenading President Obama and First Lady Michelle at his Inaugural Ball in Washington D.C on Monday night. The 31-year-old former American Idol winner sang Al Green's Let's Stay Together for the couple's first dance.