காங்கிரஸ் கட்சியின் பிரதமர் வேட்பாளர் ராகுல் காந்திதான்: கமல்நாத்

டெல்லி: காங்கிரஸ் கட்சியின் பிரதமர் வேட்பாளர், துணைத் தலைவர் ராகுல்காந்திதான் என்று மத்திய அமைச்சர் கமல்நாத் தெரிவித்துள்ளார்.

காங்கிரஸ் கட்சியின் துணைத் தலைவராக நியமிக்கப்பட்ட ராகுல் காந்தி நேற்று தமது பொறுப்புகளை முறைப்படி ஏற்றுக் கொண்டார். பின்னர் செய்தியாளர்களிடம் பேசிய ராகுல் காந்தி, இன்றைய அரசியல் சூழ்நிலை, விவாதங்கள் அனைத்துமே கசப்புணர்வை ஏற்படுத்துபவையாக இருக்கின்றன. நாம் நமக்குள் சண்டை போட்டுக் கொண்டிருக்கிறோம். எதிர்மறை அரசியலில் ஈடுபட எனக்கு விருப்பம் இல்லை. ஒவ்வொருவராலும் விமர்சிக்கப்படுவதையும் நான் விரும்பவில்லை என்றார். பின்னர் காங்கிரஸ் கட்சியின் பொதுச்செயலாளர்களுடன் ராகுல் காந்தி ஆலோசனை நடத்தினார்.

இந்நிலையில் தொலைக்காட்சி ஒன்றுக்குப் பேட்டியளித்த அமைச்சர் கமல்நாத், என்னைப் பொறுத்தவரையில் காங்கிரஸ் தொண்டர்கள் ஒவ்வொருவருமே ராகுல் காந்தியைத்தான் பிரதமர் வேட்பாளராகப் பார்க்கின்றனர். வேறு யாரையும் பிரதமர் வேட்பாளராகப் பார்க்கவில்லை என்றார்.

English summary

Congress Vice President Rahul Gandhi officially took charge as the party's number 2 in Delhi this evening, promising to practice "positive politics." In faraway Davos, senior minister Kamal Nath said that for him and for every other Congressman, Mr Gandhi is also the only candidate for Prime Minister in 2014.