நான் பிரதமர் வேட்பாளரா... ப.சிதம்பரம் மீண்டும் ஆச்சரியம்

சிங்கப்பூர்: என்னை பிரதமர் வேட்பாளர் என்று திரும்பத் திரும்பத் கூறுவது எனக்கு ஆச்சரியமாகவும், வினோதமாகவும் இருக்கிறது என்று நிதியமைச்சர் ப.சிதம்பரம் கூறியுள்ளார்.

காங்கிரஸ் சார்பில் பிரதமர் வேட்பாளராக ப.சிதம்பரம் நிறுத்தப்படலாம் என்ற பேச்சு சில மாதங்களாக அடிபட்டு வந்தது. இதற்கு சமீபத்தில் டெல்லியில் செய்தியாளர்களிடம் பேசிய ப.சிதம்பரம், நீங்கள் நினைக்கும் அளவுக்கு நான் ஒன்றும் முட்டாள் இல்லை என்று கூறியிருந்தார்.

இந்தநிலையில் சிஎன்பிசி டிவி 18தொலைக்காட்சிக்கு அவர் அளித்த பேட்டியொன்றில், எனது அளவு, எல்லை என்ன என்பது எனக்குத் தெரியும். எனவே நான் பிரதமர் வேட்பாளரா என்ற கேள்வி எனக்கு ஆச்சரியமாகவும், வினோதமாகவும் இருக்கிறது. எனது எல்லைக்குட்பட்டு நான் செயல்பட்டு வருகிறேன்.

இன்னும் சில காலம் வாழ வேண்டும் என்று ஆசைப்படுகிறேன். வேறு பல வேலைகளைச் செய்ய வேண்டும் என்றும் ஆசைப்படுகிறேன் என்றார் சிரித்தபடி.

English summary

Finance Minister P Chidambaram today said he is amused by reports of him being projected as Prime Ministerial candidate in the 2014 general elections as he is aware of his limitations. "I am only amused by that question. I know my limitations. I live and conduct myself according to my limitations and I wish to conserve a few years of my life to do some other things that I want to do," he told CNBC TV18.