கடமை, கண்ணியம், கட்டுப்பாட்டில் கட்டுப்பாடு தான் மிக மிக முக்கியம்: மு.க. ஸ்டாலின்

By Siva

Published: Friday, January 25, 2013, 15:22 [IST]

Subscribe to Oneindia Tamil

கடலூர்: திமுக தொண்டர்கள் கட்டுப்பாட்டுடன் நடந்து கொள்ள வேண்டியது அவசியம் என்று திமுக பொருளாளர் மு.க. ஸ்டாலின் தெரிவித்துள்ளார்.

கடலூர் அருகே உள்ள ராமாபுரம் ஆண்டியார்தோப்பில் கடலூர் மாவட்ட திமுக இளைஞர் அணி பயிற்சி பாசறை கூட்டம் இன்று நடைபெற்றது. கூட்டத்திற்கு திமுக பொருளாளர் மு.க. ஸ்டாலின் தலைமை தாங்கினர்.

அப்போது அவர் பேசுகையில்,

விரைவில் நாடாளுமன்றத் தேர்தல் வருகிறது. அதை சந்திக்க நமக்கு நிதி தேவை. அந்த நிதியை திரட்ட வேண்டும். தொண்டர்கள் அனைவரும் கட்டுப்பாட்டுடன் நடக்க வேண்டும். இந்த கூட்டத்தைப் பார்க்கையில் நாம் வெற்றி பெறுவோம் என்ற நம்பிக்கை வருகிறது.

திமுக தலைவர் கருணாநிதி சென்னையில் பேசுகையில் அண்ணா கூறியது போன்று கடமை, கண்ணியம், கட்டுபாடு ஆகியவற்றை நாம் கடைபிடிக்க வேண்டும் என்றார். அதில் கட்டுப்பாடு தான் மிக மிக முக்கியமானது. அதனால் நீங்கள் தொடர்ந்து கட்டுப்பாட்டை கடைபிடியுங்கள் என்றார்.

கூட்டத்தில் கலந்து கொண்ட இளைஞர் அணியினர் வெள்ளை சீருடையில் இருந்தனர்.

Published On January 25, 2013