மோடியை பிரதமர் வேட்பாளராக அறிவிக்க வேண்டும்: யஷவந்த் சின்ஹா

By Mathi

Published: Monday, January 28, 2013, 17:23 [IST]

Subscribe to Oneindia Tamil

டெல்லி: லோக்சபா தேர்தலில் பாரதிய ஜனதா கட்சியின் பிரதமர் வேட்பாளராக குஜராத் முதல்வர் நரேந்திர மோடியை கண்டிப்பாக அறிவிக்க வேண்டும் என்று மூத்த பாஜக தலைவர் யஷ்வந்த் சின்ஹா வலியுறுத்தியுள்ளார்.

பாஜகவின் தலைவராக ராஜ்நாத் சிங் பொறுப்பேற்ற நிலையில் அவருடன் டெல்லியில் நரேந்திர மோடி நேற்று ஆலோசனை நடத்தியிருந்தார். நேற்றைய ஆலோசனைக் கூட்டத்தில் 2014ம் ஆண்டு லோக்சபா தேர்தல் குறித்து ஆலோசிக்கப்பட்டதாக தகவல்கள் வெளியாகி இருந்தன.

இந்த நிலையில் மூத்த பாஜக தலைவரும் முன்னாள் மத்திய அமைச்சருமான யஷ்வந்த் சின்ஹா, பாஜகவின் பிரதமர் வேட்பாளராக நரேந்திர மோடியை அறிவிக்க வேண்டும். அப்படி நரேந்திர மோடியை பிரதமர் வேட்பாளராக அறிவித்தால் பாஜக அமோக வெற்றி பெறும்.

ஐக்கிய ஜனதா தளத்தைப் பொறுத்தவரையில் மோடிக்கு அக்கட்சி எதிரானது அல்ல. பாஜகவின் முடிவை ஐக்கிய ஜனதா தளம் நிச்சயம் ஏற்றுக் கொள்ளும்.

நரேந்திர மோடிதான் பிரதமர் வேட்பாளர் என்பது நாட்டு மக்களின் கருத்து. கட்சித் தொண்டர்களின் ஒருமனதாக கருத்து என்றார் அவர்.

Published On January 28, 2013