விஸ்வரூபத்தை எதிர்த்து போராடி விளம்பரம் செய்ய வேண்டாம்: முஸ்லீம்களுக்கு ஸ்ரீ ஸ்ரீ வேண்டுகோள்

By Siva

Updated: Tuesday, January 29, 2013, 16:39 [IST]

Subscribe to Oneindia Tamil

டெல்லி: விஸ்வரூபம் படத்தை எதிர்த்து போராடினால், தடை விதித்தால் அது அப்படத்திற்கு மேலும் விளம்பரம் தான் என்று முஸ்லிம்களுக்கு ஆன்மீக குருவான ரவிசங்கர் தெரிவித்துள்ளார்.

இது குறித்து அவர் கூறுகையில்,

திரைப்படம் என்பது பொழுதுபோக்கு அம்சம். அதைப் பார்த்து ரசித்து, சிரித்துவிட்டு போக வேண்டும். அது தான் திரைப்படத்தின் சிறப்பு அம்சம். சிலர் ஒரு குறிப்பிட்ட சமுதாயத்தை தவறாக சித்தரித்து காட்டுவதால் அதை மக்கள் சீரியஸாக எடுத்துக்கொள்ளப் போவதில்லை. சமூக ஒற்றுமையும் சீர்குலையாது.

ஓ மை காட் படத்தில் இந்து கலாச்சாரத்தை தவறாக சித்தரித்திருந்தனர். அதை எதிர்த்து போராடினால், தடை செய்தால் அப்படத்திற்கு மேலும் விளம்பரம் கிடைக்கும் என்பதால் அதை எதிர்த்து போராட வேண்டாம் என்று வலியுறுத்தினேன். அதனால் எப்பொழுதெல்லாம் போராட்டம் நடத்துகிறீர்களோ, தடை விதிக்கிறீர்களோ அது அப்படத்திற்கு மேலும் விளம்பரம் தான். அதனால் அவர்கள் என்ன வேண்டுமானாலும் சொல்லிவிட்டுப் போகட்டும். அவை விரைவில் மறைந்துவிடும் என்றார்.