ஹிலாரிக்கு பதில் அமெரிக்க வெளியுறவு அமைச்சராகிறார் ஜான் கெர்ரி
ஜான் கெர்ரியை வெளியுறவு அமைச்சராக்க செனட் சபையும் அனுமதி அளித்து
விட்டது. இதுதொடர்பான தீர்மானம் 94-3 என்ற கணக்கில் நிறைவேறியது.
அதிபர் ஒபாமாவின் 2வது ஆட்சியின் முதல் தீர்மானம் இதுதான் என்பது குறிப்பிடத்தக்கது. வருகிற வெள்ளிக்கிழமையுடன் ஹில்லாரி கிளிண்டன் வெளியுறவு அமைச்சர் பதவியிலிருந்து ஓய்வு பெறவுள்ளார்.
வியட்நாம் போரில் ஈடுபட்டவர் ஜான் கெர்ரி. ஏற்கனவே முன்பு அதிபர் தேர்தலில் போட்டியிட்டுத் தோல்வியைத் தழுவியவர்.
தனது தேர்வு குறித்து ஜான் கெர்ரி கூறுகையில், ஜனநாயகத்தின் விழுமிய கோட்பாடுகளைக் கட்டிக்காப்பதோடு அமெரிக்காவின் ராணுவ பலத்தையும் தேவையான நேரத்தில் பயன்படுத்துவது அவசியமாகும். உலகளாவிய விவகாரத்தில் இது அவசியமானதும் கூட என்றார்.
ஈராக்கிலிருந்து அமெரிக்கப் படையினரை திரும்பப் பெறும் விவகாரத்தில் முக்கியப் பங்காற்றியவர் ஜான் கெர்ரி. மேலும் ஆப்கானிஸ்தான், சூடான் விவகாரத்திலும் முக்கியப் பங்காற்றியுள்ளார்.
Click it and Unblock the Notifications
Sign in with Google