மதச்சார்பற்ற மாநிலத்துக்கு போறீங்களா... வேணாம் கமல் வேணாம்!- இது பாஜக கோரிக்கை

By Shankar

Updated: Thursday, January 31, 2013, 18:44 [IST]

Subscribe to Oneindia Tamil

சென்னை: இந்தியாவை விட்டு, அதுவும் தமிழகத்தை விட்டு கமல் எங்கும் போகக் கூடாது என்று பாஜக வேண்டுகோள் விடுத்துள்ளது.

மதச்சார்பற்ற மாநிலம் அல்லது வேறு நாட்டுக்குப் போவதாக கமல் சொன்னாலும் சொன்னார்... விஸ்வரூபத்தைக் கூட மறந்துவிட்டு, அவருக்கு ஆறுதல் கூற அணி அணியாகத் திரள ஆரம்பித்துள்ளனர் விஐபிக்கள்.

ஒரு பக்கம் நடிகர்கள் அப்படிச் சென்றால், இன்னொரு பக்கம் அரசியல்வாதிகளும் வரிசை கட்டுகிறார்கள்.

அந்த வகையில் தமிழக பாரதிய ஜனதா கட்சியும் தனது வாய்ஸை பதிவு செய்துள்ளது.

அந்தக் கட்சியின் அறிக்கையில், "கமல்ஹாஸன் மதச்சார்பற்ற மாநிலம் அல்லது நாடு தேடிப் போவதாகக் கூறியது எங்களை வருத்தப்பட வைத்துள்ளது.

கமல் அவர்களே.. நீங்கள் தமிழ்நாட்டை விட்டு எங்கும் போகக் கூடாது. இந்த முடிவை நீங்கள் மாற்றிக் கொள்ள வேண்டும்.

தமிழகத்தின் கலை சொத்தான நீங்கள் தமிழகத்தில்தான் இருக்க வேண்டும். தமிழக அரசு அவரைக் காக்க வேண்டும்," என்று கூறப்பட்டுள்ளது.